વલસાડ: વલસાડ તાલુકાના શિક્ષક સાથે મુંબઇ સાયબર ક્રાઈમ તરીકે ઓળખ આપી ઠગોએ કાવતરૂ રચી ડિજીટલ એરેસ્ટમાં રાખી ઠગાઈ કરી હતી. આરોપીઓએ ફરિયાદકર્તાના આધાર કાર્ડનો ઉપયોગ કરાઈ રહ્યો છે એમ કહી તેને ધમકી આપી કે તે મની લોન્ડરીંગ કેસમાં સંડોવાયેલ છે. આરોપીઓએ નવાબ મલિકના કેસમાં સંડોવણી બતાવી 37 લોકો પકડાઈ ચૂક્યા છે અને ફરીયાદકર્તા 38મા શંકાસ્પદ તરીકે ધરાવાયા હોવાનું જણાવ , બિનજામીન વોરંટ જાહેર થયો છે એમ કહ્યું હતું અને 36 લાખથી વધુ પડાવ્યા હતા.
આ આરોપીનો વલસાડ પોલીસે આરોપીનો દિલ્હી પોલીસ પાસેથી કબ્જો મેળવ્યો છે.આરોપીએ ફરિયાદીને કોઈને માહિતી ન આપવા અને રૂમ બહાર ન જવાનું કહ્યું હતું અને ફરિયાદકર્તાને ત્રણ દિવસ સુધી ઘરમાં વીડિયો કોલ દ્વારા ડિજીટલ કસ્ટડીમાં રાખવામાં આવ્યા હતા. આરોપીઓએ કહ્યું કે, તેમની તપાસ માટે તેમની બેન્ક વિગત આપવી ફરજિયાત છે અને ભવિષ્યમાં જપ્તી ટાળવા માટે તમામ રોકાણ પોતાના ખાતામાં ટ્રાન્સફર કરાવવાનું સૂચન કર્યું હતું.આમ, ફરિયાદકર્તાએ પોતાના Axis Bank અને SBI બેન્ક ખાતાની વિગતો આપી હતી અને કુલ રૂ. 36.30 લાખ અલગ અલગ બેન્ક ખાતામાં ટ્રાન્સફર કર્યા હતા.
જે પૈકી Axis Bank ખાતામાંથી રૂ. 27.50 લાખ HDFC બેન્કના એક પંકજ ટ્રેડર્સ નામના ખાતામાં RTGS દ્વારા ટ્રાન્સફર કરવામાં આવ્યા હતા. ઠગોએ પોતાને અધિકારી દર્શાવી, તેમના પુત્રને પણ મની લોન્ડરીંગ કેસમાં સંડોવવાનો ભય બતાવી વધુ 9.80 લાખની માંગણી પણ કરી હતી. પીડિતને આરોપીઓએ CBI, Enforcement Directorate અને સુપ્રીમ કોર્ટના બનાવટી દસ્તાવેજો મોકલાવ્યા હતા. પીડિત શિક્ષકે શંકા જતા આખરે પોતાના મિત્રને વાત કરી. મિત્રે તરત જ Cyber Crime Helpline નંબર 1930 પર ફોન કરી કાર્યવાહી શરૂ કરાવી હતી.આ કેસમાં દિલ્હી પોલીસની અન્ય તપાસમાં જાહેર થયેલું એક બેન્ક ખાતેદારના ખાતામાં ટ્રાન્સફર થયેલા 27.50 લાખનો આરોપી ઝડપાયો છે. જેને દિલ્હીના કસ્ટડી ટ્રાન્સફર વોરંટ હેઠળ વલસાડ લવાઇ વધું કાર્યવાહી હાથ ધરાઈ છે.
