ભરૂચ: આમોદ તાલુકામાં આવેલા તણછા ગામની સીમમાં આજે જંબુસરથી ભરૂચ તરફ જતી એક એસટી બસ અને સામેથી આવતી ટ્રક વચ્ચે સામસામે અકસ્માત થયો હતો. મળતી માહિતી મુજબ, અકસ્માત એટલો ભયાનક હતો કે બસના આગળના ભાગે ગંભીર નુકસાન થયું હતું અને તેમાં બેઠેલા મુસાફરોને ગંભીર ઇજાઓ થઈ હતી.
જોકે, પોલીસ દ્વારા સમગ્ર ઘટનાની ગંભીરતા પૂર્વક તપાસ હાથ ધરવામાં આવી છે અને બંને વાહનચાલકોના નિવેદન સહિતની તપાસ હાથ ધરી છે. અકસ્માતને પગલે રસ્તા પર વાહનવ્યવહાર પણ કેટલાક સમય માટે ખોરવાયો હતો.
