ગુજરાત: આપણો માણસ છે, જોઈ લેજો, હું વિજિલન્સમાં પીએસઆઈ છું, એમ કહી સરથાણા પોલીસ સ્ટેશનમાં પીએસઓને મોબાઈલમાં પોતાનો વર્દી વાળો ફોટો બતાવી નકલી પીએસઆઈ એ નશો કરેલા 2 શખ્શોને છોડાવવા આવ્યો હતો. આ દરમિયાન મહિલા પીઆઈ ઝાલા ચેમ્બરની બહાર નીકળી હતી તે વખતે પીએસઓ વિજિલન્સના પીએસઆઈ ની ભલામણની વાત તેઓને કરી હતી.
આથી પીઆઈ એ વિજિલન્સના પીએસઆઈ ને પૂછ્યું કે તમે વિજિલન્સમાં ક્યાં ફરજ બજાવો છો, તે સમયે નકલી પીએસઆઈ એ ગાંધીનગર ખાતે નવા બનેલા વિજિલન્સના પોલીસ સ્ટેશનમાં પીઆઈ રાણા સાહેબની સ્કોવોર્ડમાં છું. પીઆઈ ઝાલાએ આ બાબતે વિજિલન્સમાં તપાસ કરાવી હતી. જેમાં પીઆઈ રાણા કરીને કોઈ વિજિલન્સમાં ફરજ બજાવતા ન હોવાનું સામે આવ્યું હતું.
આથી પીઆઈ ઝાલાએ નકલી પીએસઆઈ પાસે આઈ કાર્ડ માંગ્યો તો તેણે કહ્યું કે હું રજા પર છું. પછી પીઆઈએ તેને કેટલાક સવાલો કરતાં આખરે તેનો ભાંડો ફૂટી ગયો હતો. સરથાણા પોલીસે જાતે ફરિયાદી બનીને નકલી પીએસઆઈ રોનક વિનું કોઠારી (33) (રહે, નિર્મળનગર, સરથાણા, મૂળ રહે ઝ સાવરકુંડલા, અમરેલી) ની સામે ગુનો દાખલ કરી ધરપકડ કરી છે.
મોબાઈલમાં અધિકારીઓ સાથેના ફોટો મળ્યાં
નકલી પીએસઆઈ પાસેથી 2 મોબાઈલ ફોન કબ્જે કર્યા હતા. જેમાં એક મોબાઈલ નંબર તો ડીવાયએસપી રાણાના નામે સેવ કરેલો હતો. ઉપરાંત તેના મોબાઈલમાં ઢગલાંબંધ વિડિયો પોલીસ અધિકારીના ઈન્ટરવ્યુઓ જોવા મળ્યા ઉપરાંત તેના પણ પીઆઈની વર્દી વાળા ફોટો જોવા મળ્યા છે.
નશો કરેલાઓને ટ્રાફિક પોલીસ પકડી લાવી હતી.
ટ્રાફિક પોલીસે બે પીધેલાને પકડી પોલીસ સ્ટેશને લઈ આવી જ્યાં નકલી પોલીસ છોડાવવા આવ્યો હતો. સરથાણા બાપા સીતારામ ચોક પાસેથી ટ્રાફિક પોલીસે બાઈક પર જતા બે જતાં બે શખ્સોને અટકાવ્યા હતા. બને નશો કરેલા શખ્સો સામે કાર્યવાહી કરવામાં આવી હતી.
