રિસર્ચ: આ રિસર્ચ બેલફાસ્ટ હેલ્થ એન્ડ સોશિયલ કેર ટ્રસ્ટ અને રોયલ કોલેજ ઓફ સર્જન્સ આયરલેન્ડના ડોક્ટરો દ્વારા કરાયો હતો.સોમવા૨ે કેમ વધે છે હાર્ટ એટેકનું જોખમ રિસર્ચસે 2013થી 2018 વચ્ચે 10 હજારથી વધુ દર્દીઓના રેકોર્ડની તપાસ કરી. જેમને સૌથી ગંભીર પ્રકારના હાર્ટ એટેક, ST-segment elevation myocardial infarction ના કારણે હોસ્પિટલમાં દાખલ કરાયા હતા.
અભ્યાસમાં જાણવા મળ્યું કે અઠવાડિયાની શરૂઆતમાં (ખાસ કરીને સોમવારે) આવા ગંભીર હાર્ટ એટેક આવવાની ઘટનાઓ 13% સુધી વધી જાય છે.શું કહે છે એક્સપટર્સ રિસર્ચ સાથે જોડાયેલા ડોક્ટર જૈપ વૈફને ડેઈલી મેઈલને જણાવ્યું કે આ પ્રકારનો ટ્રેન્ડ પહેલા પણ પશ્ચિમી દેશોમાં જોવા મળ્યો છે. વૈજ્ઞાનિકોના જણાવ્યાં મુજબ, શિયાળામાં અને સવારના સમયમાં હાર્ટ એટેકની સંભાવના વધુ હોય છે.
આ ઉપરાંત, સ્ટ્રોકના કેસોમાં પણ આ પ્રકારની પેટર્ન જોવા મળી છે. ડોક્ટરોનું માનવું છે કે તેનું મુખ્ય કારણ આપણી બાયોલોજિકલ ક્લોકમાં થનારા ફેરફાર હાઈ શકે છે. જે હોર્મોન લેવલને પ્રભાવિત કરી શકે છે. આ ઉપરાંત સોમવારે કામ પર પાછા ફરવાની ચિંતા અને તણાવથી શરીરમાં કોર્ટિસોલ હોર્મોનનું લેવલ વધી જાય છે, જેનાથી હાર્ટએટેકનું જોખમ વધી શકે છે.
હાર્ટ એટેકથી કેવી રીતે બચવું
- જો સમયસર હાર્ટ એટેકના લક્ષણોને ઓળખી લેવાય તો જીવન બચાવી શકાય છે.
- છાતીમાં દુખાવો, જે દબાણ, જકડાઈ જવું, કે બળતરા જેવું મહેસૂસ કરાવે છે.
- શ્વાસ ચડવો, જે છાતીમાં દુખાવાની સાથે કે તેના વગર થઈ શકે છે. બાવળા, ગળું, જડબુ, પીઠ કે પેટમાં દુખાવો જેને મોટાભાગે સ્નાયુમાં ખેંચાણ કે અપચો સમજી લેવાય છે.
- ઠંડો પરસેવો, ચક્કર આવવા, જીવ ડહોળાવો, કે વધુ થાક.
