સુરત: સુરત જિલ્લામાં એક જ કેમ્પસમાં આવેલી ત્રણ સરકારી રહેણાંક શાળાઓના 150 થી વધુ વિદ્યાર્થીઓ વાયરલ ચેપથી પીડિત હોવાનું જાણવા મળ્યું હતું અને તેમાંથી 18 ને તાવ આવતા હોસ્પિટલમાં દાખલ કરવામાં આવી હતી. તેમણે જણાવ્યું કે ઉમરપાડા તાલુકાના વાડી ગામમાં ત્રણ રહેણાંક શાળાઓ છે.તેમાં 650 થી વધુ વિદ્યાર્થીઓ છે. મુખ્ય જિલ્લા આરોગ્ય અધિકારી ડો.અનિલ પટેલે જણાવ્યું હતું કે, તેમાંથી 150 વિદ્યાર્થીઓને છેલ્લા ત્રણ-ચાર દિવસમાં ઉઘરસ અને તાવના લક્ષણો સાથે ઉપરના કસન માર્ગમાં ચેપ હોવાનું જણાયું હતું.
Decision News ને મળતી માહિતી મુજબ તેમણે કહ્યું કે શનિવારે તાવથી પીડાતી 18 વિદ્યાર્થીનીઓને સામુદાયિક આરોગ્ય કેન્દ્રમાં દાખલ કરવામાં આવી હતી. જિલ્લા વહીવટીતંત્રે વિદ્યાર્થીઓની તપાસ કરવા અને તેમના સ્વાસ્થ્યનું ધ્યાન રાખવા માટે શાળા પરિસરમાં 24 થી વધુ આરોગ્ય કર્મચારીઓની ટીમ તૈનાત કરી છે.તેમણે જણાયું કે અમે આચાર્યોને સૂચના આપી છે કે ચેપ હવા દ્વારા ન ફેલાય અને તાવ અને ખાસીવાળા વિદ્યાર્થીઓને ફેસ માસ્ક પહેરીને વોરેન્ટાઇન કરવામાં આવે. શાળા પરિસરમાં 30 કર્મચારીઓની તબીબી ટીમ હાજર છે. ત્રણ શૈક્ષણિક સંસ્થાઓમાંથી એક, સૈનિક સ્કૂલના આચાર્ય જયદીપ સિંહ રાઠોડે જણાવ્યું હતું કે છેલ્લા કેટલાક દિવસોમાં ઘણા વિદ્યાર્થીઓએ ખાંસી અને તાવની ફરિયાદ કરી હતી. આ પછી તેણે સ્થાનિક આરોગ્ય કેન્દ્રનો સંપર્ક કર્યો.
તેમણે કહ્યું કે અમે નજીકના પ્રાથમિક આરોગ્ય કેન્દ્રનો સંપર્ક કર્યો અને વિદ્યાર્થીઓની તપાસ કરાવી, તેમાંથી 18 વિદ્યાર્થીઓને સામુદાયિક આરોગ્ય કેન્દ્રમાં દાખલ કરવામાં આવ્યા હતા. રહેણાંક શાળાઓના વિધાર્થીઓ આનાથી પ્રભાવિત થાય છે, પરંતુ તાવને કારણે હોસ્પિટલમાં દાખલ કરાયેલા તમામ વિદ્યાર્થીઓ છોકરીઓ છે. ધારાસભ્ય અને ભૂતપૂર્વ આદિજાતિ વિકાસ મંત્રી ગણપત વસાવાએ શાળા પરિસરની મુલાકાત લીધી. તેમણે કહ્યું કે સુરત જિલ્લા આરોગ્ય અધિકારીની એક ટીમ સાળામાં પહોંચી અને વિદ્યાર્થીઓની તપાસ કરી.
