દાહોદ: સંજેલી તાલુકાના ઢાળા સીમલ ગામે બનેલ પરિણીતાને અર્ધનગ્ન કરી ગામમાં વરઘોડો કાઢવાના અત્યંત ધૃણાસ્પદ બનાવમાં પોલીસે 48 કલાકમાં તમામ આરોપીઓને ઝડપી જેલ ભેગા કરી શાન ઠેકાણે લાવી કાયદાનું ભાન કરાવી બનાવમાં ભોગ બનનારી મહિલાને પુનઃ આત્મનિર્ભર બનાવવા દાહોદ પોલીસની મદદથી આત્મગૌરવ શાકભાજીની દુકાન શરૂ કરાવી છે.
Decision News ને મળેલીમાહિતી મુજબ ભોગ બનનાર મહિલા સમાજમાં સ્વમાનભેર જીવી શકે એટલા માટે દાહોદ પોલીસે સ્વભંડોળમાંથી દુકાનનો એક વર્ષનું ભાડું ચૂકવ્યું, સાથે જ એક મહિનાનું માલ સામાન ભરાવી સામાજિક ઋણ અદા કર્યું. અત્યાચારનો ભોગ બનેલી મહિલાને ફતેપુરા ખાતે દુકાન શોધી દુકાનનો 11 માસનો કરાર પણ કરી દેવામાં આવ્યો છે. સાથે સાથે 11 માસનું ભાડું પણ પોલીસે સ્વભંડોળમાંથી એડવાન્સમાં આપી દેવામાં આવ્યો છે. આ મહિલાને એક મહિનો ચાલે તેટલો સરસામાન પણ પોલીસે ભરી આપેલ છે.
એટલું જ નહીં, હોલસેલના વેપારીઓ દ્વારા આ મહિલાને 25% માલસામાનની ખરીદીમાં ડિસ્કાઉન્ટ આપવાનું પણ પોલીસ દ્વારા જણાવતા વેપારીઓએ તૈયારી બતાવી છે. આ મહિલાના આત્મગૌરવને પુનઃ પ્રાપ્ત કરાવવા સહકાર આપવા વિનંતી પણ કરેલ છે. પોલીસ કર્મીઓને આ મહિલા પાસેથી જ શાકભાજી ખરીદવા માટે આગ્રહ કરેલ છે. ત્યારે પોતાની સામે ઊઠેલી આંગળીઓને, રાજકારણીઓના પ્રશ્નોને દાહોદ પોલીસે મૂક રહી સરાહનીય કાર્ય કરી પ્રેરણાદાયી કાર્ય કર્યું છે. મહિલાની દુકાનમાં લાગેલા CCTV કેમેરા લગાવી પીડિત મહિલા સમાનભેર સમાજમાં રહી શકે અને અન્ય કોઈ ઇસમો કે અસામાજિક તત્વો તેને હેરાન ન કરે તે માટે દાહોદ પોલીસે દુકાન ઉપર સીસીટીવી કેમેરા ઉપર લગાવ્યા છે અને આ કેમેરાનું સીધું મોનિટરિંગ ફતેપુરા પોલીસ કરશે.
