રાજપીપળા: ડેડીયાપાડા મેડિયાસાગ ગામ પાસે નર્મદા ખાણખનીજ વિભાગ ચેકિંગમાં કરતા હતા ત્યારે થી રોયલ્ટી વગરની બ્લેક ટ્રેપ ભરેલી ત્રણ ટ્રકો ઝડપી પાડી જેમાં સુરતના એક જ વેપારીની ત્રણેય ટ્રકો હોવાની માહિતી મળતા 45 લાખ ના મુદ્દામાલ ઝડપી કાર્યવાહી હાથ ધરી છે.
Decision News ને મળેલી માહિતી મુજબ રેતી ખનન અને બ્લેક ટ્રેપ ની ચોરીની રાયલ્ટી વગર દોડતી ગાડીઓની માહિતી મળતા નર્મદા મદદનીશ ભૂસ્તર શાસ્ત્રી જે.કે. ગોરની સૂચનાથી નર્મદા ખાણખનીજ વિભાગની ટીમ માઇન્સ સુપરવાઈઝર રવિ મોરી સાથે ચેકીંગ કરતા ડેડીયાપાડા સાગબારા રોડ પર મીડિયાસાગ ગામ પાસેથી ત્રણ ટ્રકો જતી હતી જેને અટકાવી પૂછપરછ કરતા તેમની પાસે કોઈ રોયલી ન હતી અને હાઇવા ટ્રક જેમાં કપચી ભરેલી હતી અને સુરત તરફ જતી હતી ત્યારે આ ટ્રકોને અટકાવી ડ્રાઈવરોને ઝડપી પુછરછ કરતા અને અને આર.સી.બુક જોતા સુરતના ચંપક પરમાર નામની આ ત્રણેય ટ્રકો હોવાનું જાણવા મળતા ખાણ ખનીજ વિભાગે ત્રણેય ટ્રકો ઝડપી ડેડીયાપાડા પોલીસ સ્ટેશનમાં ટ્રકો સોંપી કાયદેસરની કાર્યવાહી કરી છે.
આ બાબતે માઇન્સ સુપરવાઈઝર રવિ મોરી એ જણાવ્યું હતું કે મદદનીશ ભૂસ્તરશાસ્ત્રી ગોર સાહેબની સૂચનાથી ચેકીંગ કરવામાં આવી રહ્યું હતું. તેમાં ડેડીયાપાડા રોડ પરથી આ ત્રણ હાઇવા ટ્રક ઝડપાઇ વિધાઉટ રોયલ્ટી જેમાં GJ-19-Y -7842 નંબરની ટ્રકમાં 32.885 મેટ્રિક ટન કપચી હતી. જયારે બીજી ટ્રક GJ-19-Y-9997 માં 33.170 મેટ્રિક ટન કપચી હતી. ત્રીજી ટ્રક GJ-19-Y-8142 નંબરની ટ્રકમાં 31.380 મેટ્રિક ટન કપચી ભરેલી હતી. ટ્રકો સાથે કુલ 45 લાખનો મુદ્દામાલ જપ્ત કરી ડેડીયાપાડા પોલીસ સ્ટેશને મુકવામાં આવી છે. સુરતના ચંપક પરમાર નામના વ્યક્તિની ની આ ટ્રકો હોવાનું હાલ માલુમ પડ્યું છે. આગળ કાયદેસરની કાર્યવાહી હાથ ધરી છે.
