રાજસ્થાન: હાલમાં જ રાજસ્થાનમાં ભારત આદિવાસી રા પાર્ટી (BAP) ને રાજ્ય પક્ષનો દરજ્જો મળ્યો છે. બાંસવાડાના પાર્ટીના સાંસદ અને નેતા રાજકુમાર રોટે આ માહિતી આપી હતી. માત્ર બે વર્ષમાં આ પાર્ટીએ શાનદાર પ્રદર્શન કર્યું છે અને હવે તેની પાસે 1 સાંસદ અને 4 ધારાસભ્યો છે.
ભારત આદિવાસી પાર્ટીની શરૂઆત 2017માં ગુજરાતના છોટુભાઈ વસાવા દ્વારા સ્થાપિત ભારતીય ટ્રાઈબલ પાર્ટીમાંથી કરવામાં આવી હતી. રાજકુમાર રોટ અને રામપ્રસાદ ડીડોરે 2018માં આ પાર્ટીમાંથી વિધાનસભાની ચૂંટણી જીતીને પોતાની ઓળખ બનાવી હતી, પરંતુ 2023માં તેઓએ તેને છોડીને ભારત આદિવાસી પાર્ટીનો પાયો નાખ્યો હતો.
દક્ષિણ રાજસ્થાનમાં BAPની રાજકીય તાકાત ઝડપથી વધી છે. પાર્ટીના કાર્યકરોને અભિનંદન આપતા રાજકુમાર રોટે કહ્યું, “ભારત આદિવાસી પાર્ટીને રાજ્ય પક્ષનો દરજ્જો મળવા બદલ તમામ પદાધિકારીઓ, કાર્યકરો અને મતદારોનો આભાર માન્યો હતો.
