Current affairs: નેવુંના દાયકાના જાણીતા ટેલિવિઝન એન્કર ગીતાંજલિ અય્યર હવે આપણી ચીર વિદાય લઈ લીધી છે. તેઓ 76 વર્ષના હતા. તેમના અવસાનના સમાચાર મળતાં પત્રકારત્વ જગતમાં શોકનું મોજુ ફરી વળ્યું છે. સોશિયલ મીડિયા પર તેના ચાહકો પણ તેને શ્રદ્ધાંજલિ આપી રહ્યા છે.
ગીતાંજલિ અંગ્રેજી સમાચારના એન્કર હતા. તેમણે 1971માં દૂરદર્શનમાં કામ કરવાનું શરૂ કર્યું. તેમણે ટીવી જર્નાલિઝમ ક્ષેત્રે ઘણા રેકોર્ડ બનાવ્યા. તેમણે તેમની ત્રણ દાયકાની પત્રકારત્વ કારકિર્દીમાં ચાર વખત શ્રેષ્ઠ એન્કર પર્સનનો એવોર્ડ જીત્યો હતો. તેમને તેમના ઉત્કૃષ્ટ કાર્યો, સિદ્ધિઓ અને યોગદાન માટે 1989 માં ઇન્દિરા ગાંધી પ્રિયદર્શિની એવોર્ડથી પણ નવાજવામાં આવ્યા હતા.
તેઓએ અંગ્રેજીમાં સ્નાતક કર્યું હતું પછી તેમણે કોલકાતાની લોરેટો કોલેજમાંથી માસ્ટર્સ કર્યું. તેમણે નેશનલ સ્કૂલ ઓફ ડ્રામા (NSD)માંથી ડિપ્લોમા ડીગ્રી પણ મેળવી હતી. દૂરદર્શનમાં ત્રીસ વર્ષ એન્કરિંગ કર્યા પછી, તેમણે કોર્પોરેટ કોમ્યુનિકેશન્સ, સરકારી સંબંધો અને માર્કેટિંગ ક્ષેત્રે પણ કામ કર્યું. તેઓ કન્ફેડરેશન ઓફ ઈન્ડિયન ઈન્ડસ્ટ્રી (CII)ની સલાહકાર પણ રહી ચુક્યા છે.
