કર્ણાટક: આજે કર્ણાટક રાજયમાં ચૂંટણી પરિણામ 2023 પર PM મોદીની પહેલી પ્રતિક્રિયા સામે આવી છે. જેમાં PM મોદીએ કર્ણાટક વિધાનસભા ચૂંટણી પર પહેલું નિવેદન આપતા કોંગ્રેસને કર્ણાટકમાં જીત બદલ શુભકામનાઓ આપી છે.
કર્ણાટકમાં કોંગ્રેસની જીત કર્ણાટક વિધાનસભા ચૂંટણીમાં કોંગ્રેસ પાર્ટીનો વિજય થયો છે. પાર્ટીએ 224 સભ્યોની વિધાનસભામાં પૂર્ણ બહુમતી મેળવી છે. જ્યારે ભાજપને કર્ણાટકમાં કારમી હારનો સામનો કરવો પડ્યો છે. ભાજપે કર્ણાટકમાં હાર સ્વીકારી લીધી છે. ત્યારે કોંગ્રેસમાં જીતનો જશ્ન શરુ થઇ ચુક્યો છે.
PM મોદીએ કોંગ્રેસને આપી શુભકામના આપી પહેલું નિવેદન આપ્યું છે કે કર્ણાટક વિધાનસભા ચૂંટણીમાં જીત માટે કોંગ્રેસ પાર્ટીને અભિનંદન. લોકોની આકાંક્ષાઓ પૂર્ણ કરવા માટે મારી શુભકામનાઓ. PM મોદીએ વધુમાં ટ્વીટ કરીને કહ્યું કે કર્ણાટક ચૂંટણીમાં અમારું સમર્થન કરનારા તમામનો હું આભાર માનું છું. હું ભાજપના કાર્યકરોની મહેનતની કદર કરું છું. આગામી સમયમાં અમે કર્ણાટકની સેવા વધુ ઉત્સાહ સાથે કરીશું.
