ગુજરાત: ગુજરાત વિધાનસભા 2022ની ચૂંટણી જાહેર થાય એ પહેલા જ ગુજરાતમાં કોંગ્રેસે આમ આદમી પાર્ટીને ગઠબંધન કરવા કોંગ્રેસના મોટા નેતા દ્વારા આમંત્રણ આપ્યાની વાતો બહાર આવી છે જેને લઈને રાજકારણમાં ગરમાવો જોવા મળી રહ્યો છે.
કોંગ્રેસના પૂર્વ પ્રદેશ અધ્યક્ષ ભરતસિંહ સોલંકીની અધ્યક્ષતામાં પરિવર્તન સંકલ્પ યાત્રા દરમિયાન સભાને સંબોધતા ભરતસિંહ સોલંકીએ AAP સાથે ગઠબંધનની આડકતરો ઇશારો કર્યો હતો. ભરતસિંહ સોલંકીએ કહ્યું હતું કે ગુજરાતમાં ભાજપને હરાવવા કોંગ્રેસ કોઈપણ સાથે ગઠબંધન કરવા તૈયાર છે. ગુજરાતમાં ભાજપને હરાવવા કોંગ્રેસ ને આમ આદમી આરતી એડી ચોંટીનું જોર લગાવી રહી છે. બંનેનું લક્ષ્ય એક જ છે. આ જોતા ગુજરાતમાં આમ આદમી પાર્ટીનું કોંગ્રેસ સાથે ગઠબંધન થવાની શક્યતાઓ રહેલી છે.
જો કે હજી સુધી આ મામલે આમ આદમી પાર્ટી તરફથી કોઈ નિવેદન સામે આવ્યું નથી. હવે જોવાનું એ રહેશે કે આમ આદમી પાર્ટી કોંગ્રેસ સાથે ગઠબંધન કરશે કે કેમ ?
