મહારાષ્ટ્ર: મરાઠી ફિલ્મ ‘સૈરાટ’ નું વાસ્તવિક અમલીકરણ કરતાં ભાઈની ઘટના સામે આવી છે વાત બની કે 22 વર્ષીય બહેનના અન્ય યુવક સાથેના પ્રેમ સંબંધમાં ભાઈએ આખી રાત તેને માર માર્યો અને ગળું દબાવીને મારી નાખી હતી અને ભાઈ દ્વારા આત્મહત્યા સાબિત કરવાની કોશિશ કરી હતી.
મહારાષ્ટ્રના સકરી તાલુકાના નિઝામપુર વિસ્તારમાં 24 વર્ષીય સંદીપ રમેશ હલોરને શંકા હતી કે તેની બહેન પુષ્પાનું કોઈની સાથે અફેર ચાલે છે. રાત્રે તેને માર મારીને હત્યા કરી નાખી હતી અને આત્મહત્યા કરી હોવાની વાત ઉપજાવી કાઢી હતી. તેણે બહેનની લાશને સાડી સાથે બાંધીને ઝાડ સાથે લટકાવી દીધી હતી. ગામના લોકોએ કહ્યું હતું કે અંતિમ સંસ્કારમાં બહેનના શરીર પર ઈજાના ઘા સ્પષ્ટ જોઈ શકાતા હતા.
પોલીસ દ્વારા કડકાઈથી પૂછપરછ કરતા ભાઈ દ્વારા બહેનની હત્યા કરી હોવાની વાત કબૂલી હતી. પોલીસે મીડિયાને જણાવ્યું કે બહેનને માર્યા બાદ ગળું દબાવ્યું હતું. પોલીસથી બચવા માટે લીંબુના ઝાડમાં લટકાવી દીધી હતી. ત્યારબાદ ભાઈએ બહેને આત્મહત્યા કરી હોવાનું કહ્યું હતું. પોલીસે આરોપી ભાઈની ધરપકડ કરી સકરી કોર્ટે પાસે ભાઈને રિમાન્ડ લીધા છે.
