ગુજરાત: વર્તમાન સમયમાં ગુજરાતની ગ્રાન્ડેટ શાળાના અસ્તિત્વ પર ખતરો ઉભો થયો છે ત્યારે સસ્તુ અને ઉત્તમ શિક્ષણ મેળવવાનુ મધ્યમ પરિવારોનુ સપનાઓ અધૂરા અહી જશે એવું વાતાવરણ સર્જાયું છે હાલમાં ગુજરાતમાં ગ્રાન્ટના અભાવે ગ્રાન્ટેડ શાળાઓને તાળા લાગી રહ્યાં છે.
Decision Newsએ મેળવેલી માહિતી મુજબ 2010ના વર્ષમાં ગુજરાતમાં અંદાજે 4500 જેટલી ગ્રાન્ટેડ શાળાઓ હતી. તે વીતેલા 10 વર્ષમાં ઘટીને 3,000 જેટલી થઇ ગઈ છે સંચાલક મંડળનું કહેવું છે કે સરકાર દ્વારા અપાતી અપૂરતી ગ્રાન્ટને અનેક વખત આ બાબતે રજૂઆત કરવામાં આવી હતી પણ તંત્ર દ્વારા નિષ્ક્રિયતા દાખવવામાં આવતા આ પરીસ્થિતિ સર્જાય છે.
Z 24 કલાકના અહેવાલ અનુસાર સરકાર દ્વારા ધોરણ 9 ના એક વર્ગ માટે 2500 રૂપિયાની ગ્રાન્ટ દર મહિને આપવામાં આવે છે, જે વર્ષે 30,000 રૂપિયા જેટલી થાય છે. આ 30,000 રૂપિયાની ગ્રાન્ટ સામે શાળાના એક વર્ગ પાછળ સંચાલકોએ અંદાજે 2 લાખ જેટલી વાર્ષિક રકમ ખર્ચ પેટે ભોગવવી પડે છે. ગ્રાન્ટેડ શાળાઓને મળતી રકમ માત્ર શાળાઓના ઈન્ટરનેટ ખર્ચ 10,000 રૂપિયા, પરીક્ષા ખર્ચ એક વર્ગના વિદ્યાર્થીઓ પેટે અંદાજે 20,000 રૂપિયા પાછળ જ ખર્ચાઈ જાય છે. આ સિવાય સફાઈ કામદાર, ચોકીદાર, CCTV કેમેરા મેન્ટેઈનન્સ, શિક્ષકોને ચૂકવવું પડતું ભથ્થું, સરકારી ઉત્સવોમાં શિક્ષક હાજર રહે તો તેનો ખર્ચ, વાલીઓની મિટિંગ થાય એ ખર્ચ, વિદ્યાર્થીઓ માટે ઇત્તરપ્રવૃત્તિઓ પાછળ થતો ખર્ચ અંદાજે 75 હજાર રૂપિયા સુધી જઈ પહોંચતો હોય છે. દરેક ગ્રાન્ટેડ શાળા માટે સૌથી મોટો ખર્ચ લાઈટ બિલ અને AMC વેરો તેમજ મકાન ભાડા પેટે થતો હોય છે. આ ખર્ચ સરકાર તરફથી અપાતી ગ્રાન્ટ ના પોસાતા 1500 ગ્રાન્ટેડ શાળાઓના સંચાલકોએ શાળાને તાળા વાગી ગયા છે.
ગુજરાતમાં ગ્રાન્ટેડ શાળાઓ જે ગતિએ બંધ થઈ રહી છે એ જોતા ભવિષ્યમાં શિક્ષણ મોંઘું થવાની ભીતિ સેવાઈ રહી છે. ખાનગી શાળા સંચાલકોને છૂટો દોર મળે તેવી સ્થિતિ પેદા થશે ત્યારે સવાલ એ ઉભો થાય છે કે ગરીબ અને મધ્યમ વર્ગના વિદ્યાર્થીના ભવિષ્યનું શું…
