વાંસદા: ગામડાઓમાં ઘણા લોકો નોકરીને બદલે ગાય-ભેંસ પશુપાલન તરફ રસ દાખવી રહ્યા છે પણ ગામમાં મોટા પ્રમાણમાં નાના-મોટા લોકો આર્થિક સંકડામણના કારણે ગાય-ભેંસ ખરીદી શકતા નથી. આવી સ્થિતિમાં સરકારની મદદથી ગાય અને ભેંસ બેંક દ્વારા ઓછા વ્યાજ પર લોન મળે છે, જેથી તમે ગાય-ભેંસની ખેતીનો વ્યવસાય ખૂબ જ સરળતાથી શરૂ કરી શકો.
આવો મેળવીએ ગાય-ભેંસ માટે લોન લેવાની પ્રક્રિયાને સમજીએ…ગાય ભેંસના પશુપાલન યોજના હેઠળ પશુ કિસાન ક્રેડિટ કાર્ડ યોજના જેવી ઘણી યોજનાઓ છે. જેમાં તમે મહત્તમ 1,60,000 રૂપિયા સુધીની લોન મળે છે આ પશુપાલન લોન યોજના હેઠળ તમે ગાય અને ભેંસ સિવાયના કોઈપણ પ્રાણી માટે લોન મેળવી શકો છો. બેંક દ્વારા તમને આપવામાં આવતી લોન પ્રાણીની કિંમત અનુસાર છે. જેના પર બહુ ઓછું વ્યાજ ચૂકવવું પડે છે.
જો તમે ભેંસ માટે લોન લો છો તો તમને 60,000 રૂપિયા સુધીની લોન મળી શકે છે. જો 2 ભેંસ માટે લોન 1,20,000 રૂપિયા મળશે જ્યારે 1 ગાય માટે 40,000 રૂપિયા અને 2 ગાય માટે 80,000 રૂપિયા સુધીની લોન મળશે. ભારતનો કોઈપણ નાગરિક પશુપાલન યોજના હેઠળ લોન લઈ શકે છે. લોન માટે જરૂરી દસ્તાવેજો બેંક પાસબુકનો ફોટો, પાસપોર્ટ સાઇઝનો ફોટો, પશુઓની જાળવણી અને ગોચર વગેરે માટેની જમીનની નકલ, આવક પ્રમાણપત્ર, મતદાર આઈડી, પાન કાર્ડ, આધાર કાર્ડ, ગાડી ચલાવવાની પરવાનગી, સરનામાનો પુરાવો જોઇશે. આ લોન કોમર્શિયલ બેંકો, રાજ્ય સહકારી બેંકો, ગ્રામીણ પ્રાદેશિક બેંકો, રાજ્ય સહકારી કૃષિ અને ગ્રામીણ વિકાસ બેંકો તેમજ ખાનગી બેંકોમાંથી મળશે જે માટે સૌ પ્રથમ તમારે અરજી ફોર્મ ભરવાનું રહેશે અને KYC કરવું પડશે જેમાં આધાર કાર્ડ, પાન કાર્ડ, વોટર આઈડી કાર્ડ અને પાસપોર્ટ સાઈઝ ફોટોની જરૂર પડશે.
