પેટ્રોલ-ડીઝલનાં ભાવ સ્થિર થયા બાદ હવે અન્ય ચીજ-વસ્તુઓનાં ભાવ વધારાથી સામાન્ય નાગરિક પર બોજો વધી ગયો છે. સામાન્ય માણસને મોંઘવારીનો મોટો ફટકો પડ્યો છે. CNG અને જે પાઈપ દ્વારા ઘરો સુધી પહોંચે છે PNG નાં ભાવમાં વધારો થયો છે.
Decision Newsને મળેલા મીડિયા રિપોર્ટ્સ અનુસાર, કોમ્પ્રેસ્ડ નેચરલ ગેસ (CNG)ની કિંમતમાં પ્રતિ કિલોગ્રામ રૂ. 2 અને PNGની કિંમતમાં રૂ.1.50 પ્રતિ યુનિટનો વધારો કરવામાં આવ્યો છે. મુંબઈમાં CNGની કિંમત વધીને 63.50 રૂપિયા પ્રતિ કિલો થઈ ગઈ છે. વળી, મુંબઈમાં જ PNGની કિંમત વધીને 38 રૂપિયા પ્રતિ યુનિટ થઈ ગઈ છે.
મુંબઈ મેટ્રોપોલિટન વિસ્તારમાં છેલ્લા 11 મહિનામાં CNGની કિંમતમાં પ્રતિ કિલો 16 રૂપિયાનો વધારો થયો છે. મુંબઈ ઉપરાંત ઉન્નાવ, લખનઉ અને આગ્રામાં પણ CNG અને PNGનાં ભાવમાં વધારો કરવામાં આવ્યો છે. CNG નાં ભાવમાં ફેરફારની સીધી અસર 3 લાખ પર્સનલ કાર યુઝર્સ પર પડી છે. આ સિવાય ઓટો, ટેક્સી અને બસ જેવા સાર્વજનિક પરિવહનમાં મુસાફરી કરતા લોકો આ વધારાથી પ્રભાવિત થયા છે. તેમજ છેલ્લા ત્રણ મહિનામાં ચોથી વખત CNG નાં ભાવમાં વધારો કરવામાં આવ્યો છે.
