ચીખલી: હાલમાં દક્ષિણ ગુજરાતના આદિવાસી વિસ્તારોમાં વધતા જતા દીપડાના હુમલાઓના કિસ્સામાં ચીખલી તાલુકાના કુકેરી ગામે દીપડાનું 1 માસનું બચ્ચું મૃત હાલતમાં મળી આવવાનો બનાવ સામે આવતા વન વિભાગે તપાસ હાથ ધરી છે.
Decision Newsને મળેલી માહિતી મુજબ ચીખલી તાલુકાના કુકેરી ગામના રાબડી ફળિયામાં રહેતા શંકરભાઇ રવજીભાઈ હળપતિના ખેતરની બાજુમાં આવેલ કોતરમાં એક દીપડાનું બચ્ચું મૃત હાલતમાં મળી આવતા આ અંગેની જાણ સ્થાનિકોએ ચીખલી વન વિભાગને કરી જેના પગલે આરએફઓ અને તેમની ટીમ દ્વારા સ્થળ ઉપર પોહચી ગયા હતા
ત્યાર બાદ ચીખલી વન વિભાગ દ્વારા મૃત દીપડાના બચ્ચાનો કબજો લઈ સાદકપોર નર્સરીમાં વેટરનરી ડોકટર પાસે પીએમ કરાવી અગ્નિસંસ્કાર કરાવ્યો હતો અને ઘટનાની વધુ તપાસ હાથ ધરી હતી.
