ચીખલી: ગ્રામ પંચાયતની ચુંટણીનો માહોલ ચાલી રહ્યો છે ત્યારે ગતરોજ ચીખલી તાલુકાના માંડવખડક ગામમાં સાંજના ૭:૩૦ કલાકના સમયગાળામાં આમ આદમી પાર્ટીના કાર્યકર્તા સંમેલન અને સ્નેહમિલન કાર્યક્રમનું આયોજન પરિવર્તનના હિમાયતી ગ્રામજનો દ્વારા કરવામાં આવ્યું હતું
Decision Newsને મળેલી જાણકારી મુજબ ચીખલી તાલુકાના માંડવખડક ગામમાં સાંજના ૭:૩૦ કલાકના સમયગાળામાં આમ આદમી પાર્ટીના કાર્યકર્તા સંમેલન અને સ્નેહમિલન કાર્યક્રમમાં ગુજરાતના આમ આદમી પાર્ટીના પ્રમુખ ગોપાલ ઈટાલીયા રામ ધડુક સાહેબ અને વિવિધ જિલ્લાના આમ આદમી પાર્ટીના આગેવાનો તથા ગામના જીતેન્દ્રભાઈ પટેલ અર્જુનભાઈ પટેલ અને અશ્વિનભાઈ પટેલ જેવા આપના સક્રિય કાર્યકર્તાઓ ઉપસ્થિત રહ્યા હતા.
ગ્રામજનોને સંબોધતા ગોપાલ ઈટાલીયાએ કહ્યું કે ભાજપ અને કોંગ્રેસ સરકાર વર્ષોથી આપણને છેતરવાનું કામ કરી રહી છે તેમની નિયત સામાન્ય ગામડાના ગરીબ લોકોનો વિકાસ કરવાની નથી. લોકોને મુર્ખ બનાવવાનું કામ આ બંને પાર્ટીઓ આજદિન સુધી કરતી આવી છે પણ હવે ગામડાના લોકો જાગૃત થયા છે પોતાના હક્ક અને અધિકારોને જાણતા અને સમજતા થયા છે. તેમણે વધુના જણાવ્યું કે આ બંને પાર્ટીના ખોખલા વાયદાઓને દરબદર કરી સાચા વિકાસની દિશામાં આગળ વધતી આપ પાર્ટી સાથે જોડવા હું તમને હાકલ કરું છું
