મહારાષ્ટ્રના આદિવાસી પ્રભુત્વ ધરાવતા પાલઘર જિલ્લામાં આદિવાસીઓને આવશ્યક ચીજવસ્તુઓ પહોંચાડવા માટે ટૂંક સમયમાં ડ્રોનનો ઉપયોગ કરવામાં આવશે. પાલઘરમાં ડ્રોનના ઉપયોગ માટે લીલા સંકેત નાગરિક ઉડ્ડયન મંત્રાલયના નિર્ણયનો એક ભાગ છે જેમાં રાજ્ય સરકારો અને ખાનગી કંપનીઓ સહિત 10 સંસ્થાઓને માનવરહિત વિમાન વ્યવસ્થા (UAS) નિયમો, 2021 હેઠળ મુક્તિ આપવામાં આવી છે.
પાલઘર જિલ્લા કલેકટર માણિક ગુરસાલે ધ ઇન્ડિયન એક્સપ્રેસને જણાવ્યું હતું કે દૂરસ્થ વિસ્તારોમાં દવાઓ, કોવિડ-19 રસી અને ઇન્જેક્શન પહોંચાડવા માટે ડ્રોનનો ઉપયોગ કરવામાં આવશે. વધુમાં તેમણે જણાવ્યું હતું કે અમારા આરોગ્ય અધિકારીઓ છેલ્લા બે મહિનાથી આ ડ્રોન સિસ્ટમ શરૂ કરવાનો પ્રયાસ કરી રહ્યા છે, જેના માટે અમે મંજૂરી માંગી હતી. નાગરિક ઉડ્ડયન મંત્રાલય (MoCA) અને નાગરિક ઉડ્ડયન મહાનિદેશાલય (DGCA)એ સોમવારે આ પ્રોજેક્ટને મંજૂરી આપી હતી. આ અંતર્ગત 10 રાજ્ય સરકારો અને ખાનગી કંપનીઓને ડ્રોનનો ઉપયોગ કરવાની મંજૂરી આપવામાં આવી છે.
પાલઘર જિલ્લામાં, નેશનલ હેલ્થ મિશન દ્વારા પહેલ કરવામાં આવશે, જે આદિવાસી વિસ્તારોમાં આવશ્યક આરોગ્ય પુરવઠો વહેંચવા માટે experimental BVLOS, Beyond Visual Line-Of-Sight (બિયોન્ડ વિઝ્યુઅલ લાઈન-ઓફ-સાઈટ) ડ્રોન ફ્લાઈટ્સનું સંચાલન કરશે. ડ્રોન ઉડાવવાની પરવાનગી મળી છે.
જિલ્લા આરોગ્ય અધિકારી ડો.એસ. સૂર્યવંશીના જણાવ્યા અનુસાર, આ પ્રસ્તાવ એક પાયલોટ પ્રોજેક્ટનો ભાગ છે, જેના દ્વારા દૂરના વિસ્તારોમાં રસી અને કટોકટીની દવાઓ મોકલવાની યોજના બનાવવામાં આવી રહી છે. આ માટે, ચોક્કસ એજન્સીની સેવાઓનો ઉપયોગ કરવામાં આવશે, જેણે આ કામમાં રસ દર્શાવ્યો છે.
મોટે ભાગે આદિવાસી વસ્તી ધરાવતું પાલઘર મહારાષ્ટ્ર-ગુજરાત સરહદ પર આવેલું છે. આરોગ્ય અધિકારીઓનું કહેવું છે કે જો ડ્રોન નેટવર્ક સફળ થાય તો આવા વિસ્તારોમાં દવાઓ અને અન્ય જરૂરી સામાનની પરિવહન કરવાની સમગ્ર પ્રક્રિયા બદલી શકાય છે. પાલઘરમાં પ્રથમ ઉપયોગ બાદ ડ્રોનનો વધુને વધુ ઉપયોગ કરી શકાય છે.
પાલઘર એડમિનિસ્ટ્રેશન સિવાય, જે નવ કંપનીઓને છૂટ મળી છે તે છે ગંગટોક સ્માર્ટ સિટી ડેવલપમેન્ટ પ્રોજેક્ટ, બર્નપુર, પશ્ચિમ બંગાળમાં સ્ટીલ ઓથોરિટી ઓફ ઇન્ડિયા (SAIL) પ્લાન્ટ, હૈદરાબાદમાં એશિયા પેસિફિક ફ્લાઇટ ટ્રેનિંગ એકેડેમી, ગુજરાતના બ્લુ રે એવિએશન, ટ્રેક્ટર્સ અને ફાર્મ ઇક્વિપમેન્ટ લિમિટેડ, મહિન્દ્રા એન્ડ મહિન્દ્રા, બેયર ક્રોપ સાયન્સ, અને ઇન્ડિયન ઇન્સ્ટિટ્યુટ ઓફ ટ્રોપિકલ મેટિયોરોલોજી, પુણે નો સમાવેશ થાય છે.
આ સિવાય, કર્ણાટક સરકારને બેંગલુરુમાં શહેરી મિલકતના માલિકીના રેકોર્ડ બનાવવા માટે ડ્રોન આધારિત હવાઈ સર્વેક્ષણ માટે પરવાનગી મળી છે.
