વાંસદા: કોરોના મહામારીને અટકાવવા નવસારી જિલ્લાના વાંસદા તાલુકામાં આવેલા ચાર PHC સેન્ટર ખાતે વેકસીનેશન કરાવવામાં આવ્યું હતું જેમાં વાંસદાના ઉનાઈ ખાતે આજરોજ વાંસદા ચીખલીના ધારાસભ્ય અનંત પટેલ વેકસીનેશન શુભારંભ કરાવ્યો હતો.
Decision News મળતી માહિતી પ્રમાણે હાલમાં ચાલી રહેલા કોવીડ 19ના ડ્રાઈવ અંતર્ગત વાંસદાના ચાર PHC સેન્ટરોમાં ૧૮ થી ૪૪ વર્ષના યુવાનોને વેક્સીનેશનનો પ્રારંભ કરવામાં આવ્યો હતો.જેમાં વાંસદાના લગભગ મોટી સંખ્યામાં આ વેકસીનેશન કાર્યક્રમમાં યુવાનો જોડીને કોવીડ 19ના સંક્રમણથી બચવા અને બચાવવાની પહેલમાં ભાગ લીધો હતો.
વાંસદાના ઉનાઈના PHC ખાતે વેકસીનેશન શુભઆરંભ પ્રસંગે અનંત પટેલે જણાવ્યું કે વેક્સીન લેવું દરેક વ્યક્તિ માટે ખુબ જરૂરી છે મારા વિસ્તારના નવયુવાનોને મારી અપીલ છે કે કોરોના મહામારીના સંક્રમણને અટકાવવાની આ પહેલમાં સહભાગી બને અને સંક્રમણ અટકાવવાના એક માત્ર ઉપાય તરીકે વેકશીનેશન બધાએ જ કરવાવું જોઈએ.
