દક્ષિણ ગુજરાત: દિવાળી આસપાસ પણ રાજ્યમાં દક્ષિણ ગુજરાત અને સૌરાષ્ટ્રમાં માવઠાની આગાહી કરવામાં આવી છે. હવામાન વિભાગ દ્વારા 16 થી 19 તારીખ દરમિયાન છુટાછવાયા હળવાથી મધ્યમ વરસાદની શક્યતા વ્યકત કરવામાં આવી છે. નોંધનીય છે કે, રાજ્યમાંથી ચોમાસાની સત્તાવારી વિદાય થઈ ચૂકી છે.
રાજ્યમાં સિઝનનો 118 ટકા વરસાદ વરસી ચૂક્યો છે.હવામાન વિભાગના ડાયરેક્ટર ડૉ એ કે દાસના જણાવ્યા અનુસાર, દક્ષિણ ગુજરાતના તાપી, ડાંગ, સુરત, વલસાડ, નવસારીમાં માવઠાની અસર રહેશે. કેટલાક જિલ્લાઓમાં વરસાદી માહોલ રહેશે. અને અમરેલી, ભાવનગર, ગીર સોમનાથ સહિત છૂટોછવાયો વરસાદ રહેશે. 16 થી 19 ઓક્ટોબર સુધી માવઠની અસર રહેશે. પવનોની દિશા બદલાતા અને એક ટ્રફ પસાર થતો હોવાથી વરસાદ પડી શકે છે.
16 ઓક્ટોબરે તાપી, નવસારી, ડાંગ, વલસાડ, દમણ અને દાદરા નગર હવેલીમાં હળવો વરસાદ થશે. જ્યારે 17 ઓક્ટોબર ભાવનગર, અમરેલી, ગીર સોમનાથ, દીવ, તાપી, નવસારી, ડાંગ, વલસાડ, દમણ અને દાદરા નગરહવેલીમાં પણ વરસાદ જોવા મળશે. 18 અને 19 ઓક્ટોબર ભાવનગર, અમરેલી, ગીર સોમનાથ, દીવ, તાપી, નવસારી, ડાંગ, વલસાડ, દમણ અને દાદરા નગર હવેલીમાં વરસાદ પડશે.
