વલસાડ: વલસાડ જિલ્લામાં નવરાત્રી મહોત્સવ શાંતિપૂર્ણ રીતે ઉજવાય તે માટે પોલીસે વિશેષ વ્યવસ્થા ગોઠવી છે. પોલીસ દ્વારા મોડી રાત સુધી જિલ્લાના રસ્તાઓ, જાડી જંગલ અને દરિયા કિનારે પેટ્રોલિંગ કરવામાં આવી રહ્યું છે. મહિલાઓની સુરક્ષા માટે સ્પેશિયલ સીટી પોલીસની નિમણૂક કરવામાં આવી છે.
ખેલૈયાઓ ઘરે સુરક્ષિત પહોંચે ત્યાં સુધી પોલીસ રસ્તા પર સતત નજર રાખી રહી છે. વલસાડ શહેર પોલીસની ટીમ તિથલ દરિયા કિનારે, જાડી જંગલમાં, વલસાડ કોલેજની પાછળ અને ગલીઓમાં સઘન પેટ્રોલિંગ કરી રહી છે.નવરાત્રી મહોત્સવ પૂર્ણ થયા બાદ વલસાડ સીટી પોલીસ ડકાર પેટ્રોલિંગ કરે છે.
કોમર્શિયલ નવરાત્રી મહોત્સવની આસપાસના વિસ્તારોમાં પણ પોલીસનું સતત પેટ્રોલિંગ ચાલી રહ્યું છે. તિથલ બીચ સહિતના વિસ્તારોમાં વાહન ચેકિંગ પણ કરવામાં આવી રહ્યું છે. અંધારામાં એકલા બેસતા લોકોને પોલીસ જાગૃત કરી ઘરે મોકલી રહી છે. આ રીતે કોઈ અનિચ્છનીય ઘટના ન બને તે માટે વલસાડ પોલીસ સતર્ક બની કાર્યરત છે.
