નવસારી: નવસારી નજીક ટ્રેનમાંથી એક યુવક પડી જવાની ઘટના સામે આવી છે. સુરતથી વાપી તરફ જઈ રહેલા નેપાળી યુવક ભરત દમાઈને નવસારી નજીક અકસ્માત નડયો હતો.
Decision news ને મળેલી માહિતી મુજબ ચાલુ ટ્રેનના દરવાજા પરથી ધક્કો લાગવાથી તે નીચે પટકાયો હતો.ભરત દમાઈ સુરતમાં ચાઈનીઝ ફાસ્ટ ફૂડના વ્યવસાય સાથે જોડાયેલો છે. અકસ્માતમાં તેને માથા અને હાથ-પગમાં ગંભીર ઈજાઓ થઈ હતી.
ટ્રેનના ડ્રાઈવરે તરત જ નવસારી સ્ટેશન માસ્તરને જાણ કરી હતી. રેલવે પોલીસ ઘટના સ્થળે પહોંચી અને ઘાયલ યુવકને નવસારી સિવિલ હોસ્પિટલમાં ખસેડવામાં આવ્યો હતો. તેની ગંભીર ઈજાઓના કારણે માથામાં 45 અને શરીરના અન્ય ભાગોમાં મળીને કુલ 60 ટાંકા લેવામાં આવ્યા છે.
