પારડી: જિલ્લાના જુદાજુદા પ્રાથમિક આરોગ્ય કેન્દ્રમા પણ એમ્બ્યુલન્સ ફાળવવામા આવી રહી છે. ત્યારે ગોઈમા જિલ્લા પંચાયત સભ્ય શૈલેશકુમાર આર પટેલ અને તાલુકા પંચાયત સભ્ય ભારતીબેન જયેશભાઈ પટેલ ગોઈમા પ્રાથમિક આરોગ્ય કેન્દ્રને એમ્બ્યુલન્સ ફાળવવામા આવી હતી.
Decision News ને પ્રાપ્ત થયેલી વિગતો મુજબ ગોઈમા જિલ્લા પંચાયત સભ્ય શૈલેશકુમાર આર પટેલ અને ગોઈમા તાલુકા પંચાયત સભ્ય ભારતીબેન જયેશભાઈ પટેલના પ્રયત્નોથી ગોઈમા પ્રાથમિક આરોગ્ય કેન્દ્ર માટે તાલુકા પંચાયતની પંદરમાં નાણાપંચની રૂ.1600000 અંકે રૂપીયા સોળ લાખની ગ્રાન્ટ એમ્બ્યુલન્સ માટે ફાળવવામા આવી હતી. જેનુ લોકાર્પણ શૈલેશકુમાર. આર. પટેલ, ભારતીબેન પટેલ, જયોતિબેન.એમ.પટેલ, બ્રીજેશકુમાર.એન.પટેલ અને મિતેશભાઈ પટેલના હસ્તે કરવામા આવ્યુ. ગોઈમા તથા આજુબાજુના ગામના લોકોને ખુબ ઉપયોગી સાબિત થશે. પી.એચ.સીના મેડિકલ ઓફિસર ડો.રીપલબેન પટેલે આરોગ્યને લગતી સારવાર અને આયુષ્યમાન કાર્ડનો તથા આરોગ્ય મેળાનો બહોળો ઉપયોગ કરવા હાકલ કરી હતી. અને જિ.પંચાયત અને તાલુકા પંચાયત સભ્ય સરપંચનો આભાર વ્યક્ત કર્યો હતો. જિ.પંચાયત, તા.પંચાયત સભ્ય, સરપંચ તથા બ્રીજેશ પટેલે.પી.એચ.સીમાં ખુટતી સુવિધાઓ ઉપલબ્ધ કરાવવા ખાતરી આપી હતી.
આ પ્રસગે ગામ પંચાયત સભ્યો વિજયભાઇ પટેલ, ભાજપના અગ્રણીઓ દિપકભાઇ. કીરીટભાઈ, વનેશભાઇ, નિમેશ પટેલ, મુકેશભાઈ, જયેશભાઈ પટેલ, કમલેશભાઇ અને મોટી સંખ્યામાં ગ્રામજનો ઉપસ્થિત રહ્યા હતા.
