ગુજરાત: આ પણ દિવાળી છે દોસ્તો ! આપણે ત્યાં ગુજરાતમાં દિવાળીના તહેવારમાં ફટાકડા ફોડવાના કારણે આગના આ વર્ષે ઘણાં બનાવો બન્યા છે. ક્યાંક કોઈના ઘરમાં, તો ક્યાંક ગોડાઉનમાં ફટાકડાના તણખાથી આગ ફાટી નીકળી હતી.
Decision Newsને મળેલી માહિતી મુજબ સુરતના હારા દરવાજા ખાતે દિવાળીના ટાણે ઝૂપડપટ્ટીમાં ફટાકડાથી 15 થી 20 ઝુંપડા સળગી ગયા હતા. જોકે, કોઈ જાનહાની થઈ ન હતી. ઝૂપડામાં રહેતા તમામ લોકોનો ઘરવખરીનો સમાન આગમાં બળીને ખાખ થઈ ગયા હોવાનું જાણવા મળ્યું છે જ્યારે અમદાવાદમાં પણ દિવાળીના રાત્રે ઓઢવ નજીક જય કેમિકલ પાસે પ્લાસ્ટિકના ગોડાઈનમાં આગ લાગી હતી. ફાયરની 2 થી વધુ ગાડી ઘટના સ્થળે પહોંચી આગને શાંત પાડવામાં આવી હતી.
આ ઉપરાંત વડોદરાના પાદરાના નવાપુરા વિસ્તારમા એક મકાનના ઉપલા માળે આગ લાગી હતી. સમયના સત્વરે ફાયર ફાઇટર ઘટના સ્થળે પહોંચતા ઘટનાને ભારે જહેમત બાદ આગને કાબુમાં લઇ લેવામાં આવી હતી. જામનગરમાં શહેરના પવન ચક્કી વિસ્તારના વેફરના ગોડાઉનમાં ભીષણ આગ લાગતાની સાથે જ સ્થાનિક લોકોમાં અફરાતફરીનો માહોલ સર્જાયો હતો. બાદમાં ફાયરની 3 જેટલી ગાડી દ્વારા આગને કાબૂમાં લેવાઈ હતી.
