નવસારી: નવસારી જિલ્લાના વાંસદા તાલુકામાં એક દીપડો અકસ્માતનો ભોગ બન્યો છે. વાંસદા ચીખલી રોડ પર દોલધા ગામ નજીક રાત્રે 10:30 વાગ્યાના સુમારે અજાણ્યા વાહને દીપડાને ટક્કર મારી હતી.
Decision news ને મળતી માહિતી પ્રમાણે અકસ્માતમા ઈજાગ્રસ્ત થયેલા દીપડાને તાત્કાલિક રેસ્ક્યું કરવામાં આવ્યો હતો. વન વિભાગની ટીમે ઈજાગ્રસ્ત દીપડાને વાંસદા પશુ દવાખાને ખસેડયો હતો.
હાલમાં દીપડો પશુ ચિકિત્સકની દેખરેખ હેઠળ સારવાર મેળવી રહ્યો છે. વન વિભાગે અજાણ્યા વાહન ચાલક વિરુદ્ધ કાર્યવાહી હાથ ધરી છે. આ ઘટના વન્યજીવો ની સુરક્ષા માટે વધુ સાવચેતીની જરૂરિયાત તરફ ધ્યાન દોરે છે.
