વલસાડ: વલસાડ જિલ્લામાં ગરમીનું પ્રમાણ વધી રહ્યું છે. જિલ્લાના 6 તાલુકામાં સૌથી વધુ તાપમાન ધરમપુરમાં 40 ડિગ્રી નોંધાયું છે. કપરાડામાં 39, વલસાડમાં 37, વાપી અને પારડીમાં 36 ડિગ્રી તાપમાન છે. સૌથી ઓછું તાપમાન વલસાડ અને ઉમરગામ તાલુકામાં 34 ડિગ્રી નોંધાયું છે.લઘુતમ તાપમાનની વાત કરીએ તો કપરાડામાં સૌથી ઓછું 23 ડિગ્રી, ધરમપુરમાં 24 ડિગ્રી, વલસાડ અને પારડીમાં 25 ડિગ્રી તથા વાપી અને ઉમરગામમાં 26 ડિગ્રી નોંધાયું છે.
Decision News ને મળેલી માહિતી મુજબ ગઈકાલની સરખામણીમાં જિલ્લામાં 3 ડિગ્રી તાપમાનનો વધારો થયો છે.વહીવટી તંત્રએ નાગરિકોને બપોરે 12થી 5 દરમ્યાન બિનજરૂરી બહાર ન નીકળવા સૂચના આપી છે. લોકોને સૂતરાઉ કપડાં પહેરવા અને પાણીનો વધુ ઉપયોગ કરવા જણાવ્યું છે.
ઠંડા પાણી, છાશ, લીંબુ પાણી, લસ્સી અને ORS વાળા પાણીનો ઉપયોગ કરવાની સલાહ આપવામાં આવી છે.પશુપાલકોને તેમના પશુ-પક્ષીઓ માટે પાણી અને છાયાની વ્યવસ્થા કરવા અપીલ કરવામાં આવી છે. વલસાડ તાલુકામાં દરિયા કિનારો નજીક હોવાથી ગરમીમાં થોડી રાહત રહે છે. જો કે, આજનો દિવસ ચાલુ સિઝનનો સૌથી ગરમ દિવસ નોંધાઈ રહ્યો છે.
