નવસારી: નવસારી શહેરમાં ચોરીની ઘટનાઓ સતત વધી રહી છે. તાજેતરમાં જૂના એસટી ડેપો વિસ્તારમાં આવેલી વીર મોબાઈલ નામની દુકાનને ચોરોએ નિશાન બનાવી છે. ચોરોએ વહેલી સવારે રમજાન દરમિયાન ડેપો વિસ્તારમાં ભારે ભીડ હોવા છતાં ચોરીને અંજામ આપ્યો હતો.
Decision News ને મળેલી માહિતી અનુસાર દુકાનમાંથી 49 મોબાઈલ ફોન અને રોકડા રૂ.8,000ની ચોરી કરી હતી. આ ઉપરાંત ચોરોએ દુકાનમાં લગાવેલા સીસીટીવી કેમેરાને પણ નુકસાન પહોંચાડયું હતું.ઘટનાની જાણ થતાં નવસારી ટાઉન પોલીસ ઈન્સ્પેક્ટર ઘટનાસ્થળે પહોંચ્યા હતા.
તેમણે દુકાનમાં જઈને ચોરી અંગેની વિગતવાર માહિતી મેળવી હતી. પોલીસે ચોરોનું પગેરું શોધવાના પ્રયત્નો શરૂ કર્યા છે. દિવસના અજવાળામાં થયેલી આ ચોરીએ પોલીસ માટે પડકાર ઊભો કર્યો છે. વિસ્તારમાં ભીડ હોવા છતાં ચોરોએ આટલી મોટી ચોરીને અંજામ આપ્યો તે ચિંતાજનક બાબત છે.
