નેત્રંગ: ગતરોજ નેત્રંગ ખાતે આદિવાસી યુવા બિરસા સેના દ્વારા યોજાયેલ મહાસભાના કાર્યક્રમમાં ભરૂચ લોકસભા સાંસદ મનસુખ વસાવા અને પૂર્વ ધારાસભ્ય મહેશભાઇ વસાવાની ઉપસ્થિતિમાં 149 બિરસા મુંડાજીની જન્મજયંતીની ઉજવણી કરવામાં આવી હતી.
Decision News ને મળેલી માહિતી પ્રમાણે ભરૂચ જિલ્લાના નેત્રંગ ખાતે આદિવાસી યુવા બિરસા સેના દ્વારા 149 મી બિરસા મુંડાજીની જન્મજયંતિ નેત્રંગ તાલુકા મથકે યોજાયેલ હતી. જેમાં ભરૂચ લોકસભાના સાંસદ શ્રી મનસુખભાઈ વસાવા, પૂર્વ ધારાસભ્ય મહેશભાઇ વસાવા તેમજ તાલુકા જિલ્લા પંચાયત સદસ્ય, માનસિંગ ભાઈ, તાલુકા પંચાયત સદસ્ય જગદીશભાઇ તેમજ પૂર્વ જિલ્લા પંચાયત સદસ્ય પરેશભાઈ, પૂર્વ તાલુકા પંચાયત પ્રમુખ નેત્રંગ મગનભાઈ, ગ્રામ પંચાયતના સભ્યો તેમજ સાથે ખાતે વીર બિરસા મુંડા જી ની જન્મ જયંતિ ના પ્રોગ્રામ માં હાજરી આપી હતી.
આ કાર્યક્રમમાં યુવાઓને મહેશભાઈ વસાવા તથા માનનીય સાંસદ શ્રી મનસુખભાઈ વસાવા દ્વારા કહેવામાં આવ્યું કે સંગઠિત થઈ અને રોજગાર, શિક્ષણ માટે જીઆઈડીસી તેમજ ખાણખનીજ, જેવા એકમોમાં સ્થાનિક યુવાઓને આગળ આવી ભાગીદારી નોંધાવવા આહ્વાન કર્યું તેમજ વીર ધરતી આંબા ભગવાન બિરસા મુંડા વિશે માહિતી પૂરી પાડી હતી.
