ઝઘડિયા: સમસ્ત વસાવા સમાજ, ગુજરાત અને સ્પોર્ટ્સ કમિટી દ્વારા ભગવાન બિરસા મુંડાની જન્મ જયંતી નિમિત્તે 10 મી નવેમ્બર થી 15 મી નવેમ્બર સુધી ઝઘડિયા તાલુકામાં બલેશ્વરના પવન ક્રિકેટ ગ્રાઉન્ડ પર બિરસા બ્રિગેડ ટ્રાયબલ ફુટબોલ ટુર્નામેન્ટનું ખાસ આયોજન કરવામાં આવ્યું છે.
Decision News ને મળેલી માહિતી મુજબ 10 મી નવેમ્બર રવિવારના રોજ ઉદઘાટન કરવામાં આવ્યુ હતું. આ યોજાયેલ બિરસા બ્રિગેડ ટ્રાયબલ ફુટબોલ ટુર્નામેન્ટનું મુખ્ય હેતુ એ છે કે આદિવાસી યુવાનો પણ ક્રિકેટ સહિત વિવિધ આવી ફુટબોલ જેવી રમતો પ્રત્યે રુચિ કેળવાય અને આગળ વધી સમાજનું અને દેશનું નામ રોશન કરે ઉદેશ્યથી આ ફુટબોલ ટુર્નામેન્ટનું આયોજન કરવામાં આવ્યું છે. આ બિરસા બ્રિગેડ ટ્રાયબલ ફુટબોલ ટુર્નામેન્ટમાં અલગ અલગ ગામોમાંથી 15 થી વધુ ટીમો ભાગ લઈ રહી છે.
આ પાંચ દિવસ સુધી ચાલનારી બિરસા બ્રિગેડ ટ્રાયબલ ફુટબોલ ટુર્નામેન્ટનું સુચારુ આયોજન સમસ્ત વસાવા સમાજ કાર્યકારી પ્રમુખ ચંદ્રકાંત વસાવા, પ્રમુખ ઈશ્વરભાઈ વસાવા, મંત્રીશ્રી અજીતભાઈ વસાવા અને સ્પોર્ટ્સ કમિટી દ્વારા કરવામાં આવ્યું છે.
