ચીખલી: લોકમંગલમ્ ચેરીટેબલ ટ્રસ્ટ – ખોબા, સમસ્ત આદિવાસી સમાજ ગુજરાત રાજ્ય અને અન્ય સંસ્થાઓના સયુંક્ત ઉપક્રમે તારીખ 8-9-10 નવેમ્બર 2024 આમ ત્રણ દિવસ સુખાઈ ખાતે રાષ્ટ્રીય ઉદ્યોગ મેળાનું આયોજન કરવામાં આવ્યું છે.
રાષ્ટ્રીય ઉદ્યોગ મેળાના બીજા દિવસે 9 નવેમ્બરના રોજ રાત્રે 9 કલાકે સાંસ્કૃતિક કાર્યક્રમ યોજવામાં આવ્યો હતો. જેમાં ગુજરાતના ઉમરગામ થી અંબાજી સુધીના અલગ અલગ જિલ્લાઓના આદિવાસી સમાજની સંસ્કૃતિને ઉજાગર કરતા નૃત્યો, વધ્યો સાંસ્કૃતિક કાર્યક્રમ યોજવામાં આવ્યો હતો, જેમાં હજારોની સંખ્યામાં લોકો કાર્યક્રમ નિહાળવા આવ્યા હતા.
આ કાર્યક્રમમાં વાંસદા ચીખલીનાં ધારાસભ્ય શ્રી અનંતભાઇ પટેલ, શ્રી, ડો. નિરવભાઈ પટેલ સમસ્ત આદિવાસી સમાજ નવસારી પ્રમુખ, ડો. પ્રદીપભાઈ ગરાસિયા સમસ્ત આદિવાસી સમાજ ગુજરાત, લોકમંગલમ્ ચેરીટેબલ ટ્રસ્ટના સ્થાપક નિલમભાઈ પટેલ તેમજ આદિવાસી સમાજના ઉદ્યોગકારો, ઉદ્યોગ સાહસિકો હાજર રહ્યા હતા.
