વાંસદા: ગતરોજ વાંસદા તાલુકાના હનુમાનબારી ગામમાં પોલીસે બાતમીના આધારે દમણથી વ્યારા જતી કારમાં લઇ જવાતો 1.14 લાખ રૂપિયાનો ઈંગ્લીશ દારૂ પકડી પાડયો હતો અને કાર ચાલકને મુદ્દામાલ સાથે ધરપકડ કરી લીધી હતી.
Decision News ને મળેલી માહિતી મુજબ વાંસદા ASI અનિલ લક્ષ્મણ પટેલ, કોન્સ્ટેબલ સુનિલ વિનોદભાઈ અને ભાવેશ કનુભાઈ પેટ્રોલિંગમાં ત્યારે દરમિયાન બાતમી મળી કે GJ-1-KN-9327 નંબરની કારમાં દમણથી ઈંગ્લીશ દારૂ ભરીને વાંસદા ડોલવણ થઈ વ્યારા તરફ નીકળવાની છે. પોલીસે હનુમાનબારી ગામે નાકાબંધી કરતા બાતમીવાળી કાર આવતા તેને રોકી તપાસ હાથ ધરી તો કારમાંથી નાની-મોટી 576 બોટલ રૂ. 1.14 લાખ મળી આવી અને કાર ચાલક વ્યારાના કલ્પેશ બાબુભાઈ પાંડે અટક કરી હતી.
આ બનાવ અંગે વાંસદા પોલીસ મથકે અપોકો ભાવેશે ત્રણ સામે ગુનો નોંધાવી દારૂ ભરેલી કાર આપનાર અને કાર લેવા આવનારને વોન્ટેડ જાહેર કરી કાર ચાલકની અટકાયત કરી પોલીસે કાર સાથે રૂ. 6,19,640નો મુદ્દામાલ પોતાની ગિરફતમાં લીધો હતો. .
