સેલવાસ: મધુબન ડેમના સેવાનિવૃત કર્મચારીઓનું સ્નેહમિલન દાનહના રખોલી કોમ્યુનિટી હોલ ખાતે યોજાયું હતું.જેમાં મધુબન ડેમ ખાતે સેવા આપીને નિવૃત થયેલા સરકારી કર્મચારીઓ ગુજરાતના ખૂણે ખાચરેથી આવીને હાજરી આપી હતી.
Decision News ને મળેલી જાણકારી અનુસાર આ કાર્યક્રમનો મુખ્ય ઉદ્દેશ બધા જ નિવૃત્ત કર્મચારીઓ વચ્ચે આત્મીયતા વધે અને નિવૃત્તિ પછી પણ એક બીજાના સંપર્કમાં રહીને સારું નિવૃત જીવન માણી શકે એ માટે નો હતો. હાજર રહેલા બધા કર્મચારીઓએ પોતાના કાર્ય અનુભવ બધા લોકોને જણાવ્યો હતો. અને એક બીજા પ્રત્યે પ્રેમ અને આત્મીયતાની ભાવનાને બધા સાથે વહેંચી હતી.
આ કાર્યક્રમમાં મધુબન ડેમ ખાતે વર્ષો સુધી પોતાના તન-મન-ધનથી સેવા આપનારા સરકારી નિવૃત્ત કર્મચારીઓએ મોટી સંખ્યામાં હાજરી આપી હતી. નિવૃતિના સમયે બધા જ કમચારીઓના ચહેરા પર કાર્ય સંતોષ અને ખુશીની લાગણી છલકાતી જોવા મળી હતી.
