સાપુતારા: શામગહાન સાપુતારા ઘાટમાર્ગમાં વઘઈના બાઈક સવાર યુવાનો અને આઈસર ટેમ્પો વચ્ચે જીવલેણ અકસ્માતની ઘટના બનવા પામી હતી જેમાં એક યુવાનનું ઘટના સ્થળ પર મરણ અબીજાને ગંભીર ઈજા થઇ હોવાનું જાણવા મળ્યું છે.
Decision News ને મળેલી જાણકારી પ્રમાણે વઘઇના ઘોડવહળ ગામનાં યુવકોમાં પ્રદીપ ક્રિષ્નાભાઈ ચૌધરી અને દિનેશ રામચંદ્રભાઈ જાદવ GJ-30-E-7465 નંબરની KTM બાઈક લઇ સાપુતારા કામ માટે ગયા હતા કામગીરી પત્યા બાદ પોતાના ગામ તરફ આવી રહ્યા હતા ત્યારે સાપુતારા ઘાટમાર્ગમાં સામેથી ચડી રહેલ આઈસર ટેમ્પો સાથે તેમની બાઈકની ટક્કર થઇ અને બાઈક પાછળ બેસેલ દિનેશ રામચંદ્રભાઈ જાદવ નામના યુવાનને માથાને ભાગમાં ગંભીર ઈજા થતાં તેમનું ઘટના સ્થળ પર જ મોત થઇ ગયું હતું.
જ્યારે બાઈક ચાલક યુવાન પ્રદીપ ક્રિષ્ના ચૌધરીન ઈજાઓ થઇ છે પણ સદનસીબે તે બચી ગયો હતો. હાલમાં અકસ્માતની ઘટનાને લઈને સાપુતારા પોલીસ મથકના ડી.પી.ચુડાસમા દ્વારા ગુનો નોંધી વધુ તપાસ હાથ ધરવામાં આવી છે.
