ભિલાડ: સરકારી વિજ્ઞાન કોલેજ ભિલાડ ખાતે પ્રિન્સિપલ શ્રી ડૉ. દિપક ધોબીના અધ્યક્ષ સ્થાને ફિનીશીંગ સ્કૂલના કૉ-ઓર્ડિનેટર શ્રી આનંદ પટેલ દ્વારા તા. 02/09/2024 થી 11/09/2024 દરમ્યાન ફિનિશિંગ સ્કૂલ ટ્રેઈનિંગ પ્રોગ્રામ યોજાયો હતો.
આ પ્રોગ્રામમાં શ્રી પરેશ પટેલ ટ્રેઈનર તરીકે નિયુક્ત પામ્યા હતા. જેમણે T.Y. B.Sc. ના વિદ્યાર્થીઓને Life Skill અને Employability Skill ના વિષય પર દસ દિવસની ટ્રેઈનિંગ આપી હતી. આ કાર્યક્રમનો હેતુ કોલેજના તૃતીય વર્ષના વિદ્યાર્થીઓને સ્નાતક પદવી મળ્યા પહેલા ઈન્ટર પર્સનલ સ્કિલ, ઈન્ટરવ્યૂ સ્કિલ, કરીયર ઓપ્શન, લીડરશીપ, પોઝિટિવ એટીટ્યુડ જેવા મહત્વના મુદ્દાઓ માટેની ટ્રેઈનિંગ આપવાનું હતું.
વિદ્યાર્થીઓએ આ ટ્રેઈનિંગ પ્રોગ્રામમાં ખૂબ જ ઉત્સાહભેર ભાગ લીધો હતો. કાર્યક્રમના અંતે સર્વે વિદ્યાર્થીઓનો ખૂબ જ હકારાત્મક પ્રતિસાદ મળ્યો.
