વલસાડ-ડાંગ: આજે વહેલી સવારે માં- બાપના આશીર્વાદ લઇ ઉનાઈ માં ના દર્શન કરી આશીર્વાદ સાથે ભારતીય બંધારણને હાથમાં લઇ ઉનાઈ ખાતે આવેલા મતદાન બેઠક પર INDIA ગઠબંધનના વલસાડ લોકસભા બેઠકના ઉમેદવાર અનંત પટેલ દ્વારા મતદાન કરવામાં આવ્યું હતું.
તેમણે લોકોને કહ્યું કે બાળકોના હિતમાં વોટ આપો આજે નોકરી નહીં મળવાની અને કદાચ મળશે તો ખાલી 11 મહિનાના કરાર પર એટલે ગુલામી છોડો પોતાના સંતાનના બહેતર ભવિષ્ય કે પોતાના હક્ક માટે જ વોટ કરજો કોઈની ગુલામીના કહ્યામાં નહીં આવતા..
લોકસભાની વલસાડ-ડાંગ બેઠક પર 1 વાગે બપોર સુધીનું મતદાનની તાજા જાણકારી પ્રમાણે વલસાડ -43.12% ધરમપુર-43.21% ડાંગ – 54.55% કપરાડા- 47.56% પારડી-42.12% ઉમરગામ -41.28 વાંસદા -47.90% ટકા મતદાન થયું છે. કુલ બપોર એક વાગ્યા સુધી 45.34% મતદાન વલસાડ ડાંગ બેઠક પર યોજાયું
