ભરૂચ: ગુરુવારના રોજ ચૈતર વસાવાના ભરૂચ લોકસભા બેઠક પર જયારે INDIA ગઠબંધન તરફથી ભૂલવાળું ફોર્મ ભર્યું હતું ત્યારે એવું જાણવા મળ્યું છે કે શુક્રવારે બીજી વખત ફોર્મ ભરી 34 વર્ષની ઉંમર સુધારી 35 વર્ષ કરી હતી અને શુક્રવારે વધુ 3 ફોર્મ ભર્યા ડમી ઉમેદવાર તરીકે પત્ની શકુંતલાબેનનું ફોર્મ ભરાવ્યું
Decision News ને મળેલી માહિતી મુજબ ભરૂચ લોકસભા બેઠક પર આપના ઉમેદવાર ચૈતર વસાવાએ શુક્રવારે તેમની ઉંમરની ભૂલ સુધારી લીધી હતી. એટલું જ નહીં ગુરૂવારે માત્ર એક ફોર્મ ભર્યા બાદ શુક્રવારે વધુ 3 ફોર્મ અને પત્ની શકુંતલા વસાવાનું ડમી ઉમેદવારી કરાવી હતી. નામાંકન કરતા પેહલા વોટ્સએપથી તેમનું ફોર્મ દિલ્હી આમ આદમી પાર્ટીના હાઈ કમાન્ડમાં બેઠેલા નિષ્ણાતોને મોકલાયું હતું. તેઓની ઉમેદવારી પત્રની એકથી દોઢ કલાક ચકાસણી બાદ OK નો મેસેજ મળ્યો હતો. જે બાદ ચૈતર વસાવાએ ત્રુટી ભૂલ વગરનું સોગંદનામું રજૂ કરી નામાંકન ભર્યું હતું.
ફોર્મ ભરવાના 19 એપ્રિલ શુક્રવારે છેલ્લા દિવસે ચૈતર વસાવાએ તેઓએ વધુ 3 ફોર્મ ભરવા સાથે પત્ની શકુંતલા વસાવાની ડમી ઉમેદવારી કરાવી હતી. સાથે જ 16 મહિના પેહલા 2022 માં 34 વર્ષની દર્શાવેલી ઉમર સુધારી 35 વર્ષની કરી દીધી હતી.
