ચોર્યાસી: વર્તમાન સમયમાં દેશમાં 543 લોકસભા બેઠક પર ઉમેદવાર ગમે તે હોય પણ મુખ્ય ઉમેદવાર વડાપ્રધાન નરેન્દ્ર મોદી જ છે એવું બુડીયા ચોકડી ખાતે કોળી અને માછી સમાજનું સ્નેહમિલન સમારોહમાં ભાજપના પ્રદેશ અધ્યક્ષ સી.આર. પાટીલે કહ્યું હતું.
તેમણે વધુમાં કહ્યું કે ભલે ઉમેદવાર સામે નારાજગી હોય તો પણ તેંને માફ કરીને તમે ઉમેદવાર તરીકે નરેન્દ્ર મોદીને મત આપી રહ્યા હોવાનું માનીને મતદાન કરવાનું છે. પાટીલે જણાવ્યું હતું કે, પી.એમ. મિત્રા પાર્કમાં નવસારીનો પાર્ક અદ્યતન પાર્ક 75,000 રોજગારી સર્જાશે તેનો સીધો ફાયદો કાંઠા વિસ્તારના યુવાનોને થશે એ નક્કી છે.
પાટીલે એમ પણ કહ્યું કે કંપનીઓએ સ્થાનિકોને કાયમી નોકરી આપવી જ પડશે.આ માટે 50 ટકાથી ઓછા માર્ક હોય તો કંપનીઓને ત્રણ મહિના ટ્રેનિંગ આપીને કોન્ટ્રાક્ટ ઉપર નહીં પરંતુ કાયમી રીતે નોકરી આપવી પડશે. સાથે જ પી.એમ. મિત્રા પાર્કની નજીકમાં આ વિસ્તારમાંથી પસાર થતો નવો બ્રીજ 20 મિનીટના અંતરનો હોય તેંનો પણ સૌથી મોટો ફાયદો આ વિસ્તરના યુવાનોને થવાનો છે.
