કપરાડા: એક દિવસ પહેલાં 23-2-24 ને શુક્રવારના રોજ નારગોલ ખાતે યોજાયેલ જિલ્લા કક્ષાના ખેલ મહાકુંભ 2.Oમાં એથલેટિક્સ વિભાગમાં કપરાડા તાલુકાની ચાવશાળા પ્રા. શાળાની વિદ્યાર્થિની લાંબી કુદમાં પ્રથમ તેમજ અન્ય એક વિદ્યાર્થીનીએ ચક્ર ફેંકમાં દ્વિતિય ક્રમાંક મેળવ્યો છે.
Decision News ને મળેલી માહિતી મુજબ નારગોલ ખાતે યોજાયેલ જિલ્લા કક્ષાના ખેલ મહાકુંભ 2.Oમાં એથલેટિક્સ વિભાગમાં કપરાડા તાલુકાની ચાવશાળા પ્રા. શાળાની વિદ્યાર્થિની માયા રમણ ભાઈ સવરાએ લાંબી કુદમાં પ્રથમ તેમજ ચક્ર ફેંકમાં કરિશ્મા મગનભાઈ ચૌધરીએ દ્વિતિય ક્રમાંક મેળવ્યો છે.
આ બંને ખેલાડીઓ આગામી દિવસોમાં રાજ્ય કક્ષાએ વલસાડ જિલ્લાનું પ્રતિનિધિત્વ કરશે. શાળા અને કપરાડા તાલુકાનું નામ રોશન કરવા બદલ શાળાના આચાર્ય શ્રી હિરલબેન પટેલએ શાળાની વિદ્યાર્થીનીઓ અને કોચ શર્મિલા બેનને અભિનંદન પાઠવ્યા હતા. ચાવશાળા પ્રા. શાળા સતત બીજા વર્ષે રાજ્યકક્ષાએ ખેલમહાકુંભમાં ભાગ લેશે
