ધરમપુર: આજરોજ ધરમપુર તાલુકાના મોટીઢોલ ડુંગરી ગામની પ્રાથમિક શાળામાં SMC ના અધ્યક્ષ અને અનિલ ભાઇ, શિક્ષણવિદ પ્રદિપભાઈ અને સમિતિ દ્વારા ધરમપુર RFO શ્રી હિરેનભાઈ અને શક્તિસિંહ ચાવડાના હસ્તે વૃક્ષારોપણના કાર્યક્રમનું આયોજન કરવામાં આવ્યુ હતું.
જુઓ વિડિઓ..
Decision News ને મળેલી માહિતી મુજબ મોટીઢોલ ડુંગરી ગામની પ્રાથમિક શાળામાં ભેગા થયેલા 11 શાળાના બાળકો અને ગ્રામજનોને ધરમપુર RFO હિરેનભાઈ દ્વારા પર્યાવરણની જાળવણી અંગે અને એનું મહત્વ અને જંગલ બચાવવા અંગેની માહિતી આપી હતી અને અમારી SMC 5000 વૃક્ષો રોપવાનું જે આયોજન કરવામાં આવ્યું છે તેમાં પણ સહકાર આપવા જણાવ્યુ હતું. આ ઉપરાંત કાર્યક્રમમાં હાજર રહેલા લોકમંગલમ ચેરીટેબલ ટ્રસ્ટ ખોબાના સંસ્થાપક નિલમ પટેલ દ્વારા જે 5000 હજાર વૃક્ષારોપણ કરવામાં આવશે તેની ઉનાળાની સિઝનમાં પાણી પીવડાવવાની કામગીરીમાં સહકાર આપવાની વાત કરાઈ હતી.
આ પ્રસંગે માજી સરપંચશ્રી નવીન પવાર, ગામના ડેપ્યુટી સરપંચશ્રી વિલિયમ ભાઈ, સભ્ય શ્રી મગનભાઈ, સભ્યશ્રી જયેશભાઇ, સભ્યશ્રી સુનિલભાઈ, સભ્યશ્રી મહેન્દ્રભાઈ સભ્ય સચિવ રાજેન્દ્રભાઈ, સભ્યશ્રી કૌશિક ભાઈ, અશોકભાઈ, હરિલાલ ભાઈ, પ્રિયંકાબેન, સંગીતાબેન, જશોદાબેન, અનિષાબેન, સ્મિતાબેન અને શાળાના શિક્ષક મિત્રો ગામના વડીલો હાજર રહ્યા હતા.
