વાંસદા: વાંસદાના મેઈન રોડ પર આવેલ પ્રતાપ હાઇસ્કૂલમા ભણતી છોકરીઓ સહિત બજારમાં આવતી-જતી છોકરીઓ સામે બિભત્સ ચેનચાળા કરી આંટાફેરા મારી રોમિયોગીરી કરતા લબરમુછીઓ અંગે વાંસદા પોલીસે ત્રણ યુવાનને ઝડપી પાડયાનું જાણવા મળ્યું છે.
Decision News ને મળેલી માહિતી મુજબ વાંસદાના મેઈન રોડ પર આવેલ પ્રતાપ હાઇસ્કૂલમા ભણતી છોકરીઓ અને બજારમાં આવતી-જતી છોકરીઓ સામે બિભત્સ ચેનચાળા કરી આંટાફેરા મારી રોમિયોગીરી કરતા લબરમુછીઓ અંગે વાંસદા પોલીસને જાણ થઇ અને તેઓએ આ બાબતે વોચ રાખી હતી તેમાં ૨૦ વર્ષના અજય ગોસ્વામી, 19 વર્ષના શનિગીરી ગોસ્વામી, અને 18 વર્ષના ક્રિષ્નાગીરી ગોસ્વામી નામના આ ત્રણ યુવાનો રંગે હાથે ઝડપાઈ ગયા છે.
રોમિયોગીરીમાં પકડાયેલા ત્રણેય યુવાનોની વાંસદા પોલીસની ટીમના ના અ.હે.કો.સંજ્ય ભાઈ તથા એ એસ.આઈ. દિલીપભાઈ પટેલ એ પૂછપરછ કરી રહ્યા છે. અજય ગોસ્વામી, શનિગીરી ગોસ્વામી અને ક્રિષ્નાગીરી ગોસ્વામી વાંસદાના મોગરાવાડી વિસ્તારના જ છે. પણ પોલીસને પૂછપરછ દરમિયાન સંતોષકારક જવાબ ન મળતાં ત્રણેય યુવાનો સામે વાંસદા પોલીસે ફરિયાદ નોંધી આગળની તપાસ ASI દિલીપભાઈ હાથ ધરી છે.
