માંગરોળ: ગતરોજ નાની નરોલી ગામની પ્રાથમિક શાળામાં ધોરણ 6 ભણતી વિદ્યાર્થીની સાથે શિક્ષકે શારીરિક અડપલા કર્યાનો કિસ્સો સામે આવ્યો છે. વિદ્યાર્થીનીના પિતાએ શિક્ષક વિરુદ્ધ પોલીસ સ્ટેશને ફરિયાદ નોંધાવતા હાલમાં શિક્ષક પર પોક્સો એક્ટ હેઠળ ગુનો નોંધાયો છે.
શિક્ષણ અને શિક્ષક જગતને શર્મસાર કરતી આ ઘટના માંગરોળ તાલુકાની છે. વિદ્યા સહાયક તરીકે માંગરોળની સુરત જિલ્લા પંચાયત સંચાલિત નાની નરોલી પ્રાથમિક શાળામાં ભણાવતો મહેસાણાનો હાર્દિક ગોવિંદભાઈ ચૌધરીએ સવારના 10:00 વાગ્યાની આસપાસ ધોરણ 6 માં અભ્યાસ કરતી 12 વર્ષની બાળકી જયારે શાળાના બીજા માળ પર પુસ્તકો જમા કરાવવા ગઈ હતી. ત્યારે બાળકીને શિક્ષકે શારીરિક અડપલા કર્યાનું બાળકીએ માતા પિતાને જણાવ્યું હતું.
બાળકીના માતા પિતાએ શિક્ષક વિરુદ્ધ બાળકી સાથે શારીરિક અડપલા કર્યાના આરોપ સાથે માંગરોળ પોલીસ સ્ટેશનમાં ફરિયાદ લખાવી છે. ત્યારે શિક્ષક જગતમાં ખડભળાટ જોવા મળી રહ્યો છે.
