આહવા: ચેતના સંસ્થા અમદાવાદ અને લાર્સન એન્ડ ટુબ્રો પબ્લિક ચેરીટેબલ ટ્રસ્ટ મુંબઈ તેમજ આઈ. સી. ડી. એસ. વિભાગ, આરોગ્ય વિભાગ અને શિક્ષણ વિભાગ સાથે સહભાગિતા, સંકલન સાથે “આરોગ્ય” કાર્યક્રમ દ્વારા આહવાના ૬ ગામોમાં તારીખ ૨૮ મી માર્ચ થી ૪ થી એપ્રિલ ૨૦૨૩ દરમિયાન સુધી પોષણ મેળાઓનુ આયોજન કરવામાં આવ્યુ હતુ.
જેનો ઉદ્દેશ્ય રમતો દ્વારા બહેનોમા પોષણ અંગે જાગૃતિ ઉભી કરવાનો હતો. આ મેળામાં કુલ ૪૧૨ મહિલા ઓએ ભાગ લીધો હતો. અને સાંજે મોટા સમુદાય સુધી પોષણ અંગે સાચી સમજ અને માહિતગાર કરવાના સંદર્ભે સ્થાનિક ભાષામા તમાસા (નાટક)નુ આયોજન હાથ ધરવામા આવેલ હતુ. જેમા અંદાજીત ૩ હજાર થી વધુ લોકો એ આ કાર્યક્રમ નિહાળ્યા હતા. આ પોષણ મેળાઓમાં વાનગી હરીફાઈ, પોષણ અને એનિમિયા પ્રદર્શન, પોષણ ચક્ર, પોષણની સાપસીડી, લાઈટ ગેમ, કાર્ડ ગેમ દ્વારા પોષણની સમજ, પોષણયુક્ત નાગલીના બિસ્કીટ નાસ્તા વિતરણ વગેરે પ્રવૃત્તિઓ કરવામાં આવી હતી. વાનગી બનાવી લાવેલા મહિલાઓ ને પ્રોત્સાહિત ઈનામનું વિતરણ કરવામાં આવ્યું હતું.
આ પોષણ મેળાઓમાં સહભાગીઓમાં આહવા તાલુકા ઉપ પ્રમુખ દેવરામ જાદવ, બોરખલ ગ્રૂપ ગ્રામ પંચાયતના સરપંચ શ્રીમતિ નીરૂબેન ડી. જાદવ, સભ્યશ્રીઓ ચંદરભાઈ પવાર, ગુલાબભાઈ જાદવ, મગળુભાઈ વાઢું, પંકજભાઈ પવાર, જયરામભાઈ પવાર, આરોગ્ય વિભાગમાંથી ANM, આશા બહેનો, ICDS વિભાગમાંથી મુખ્ય સેવિકા અનીતાબેન તેમજ સપનાબેન, આગંણવાડી કાર્યકરો, હેલ્પર બહેનો તેમજ ગ્રામજનો ઉપસ્થિત રહ્યા હતા.
