વલસાડ: જાયન્ટ્સ ગ્રૂપ ઑફ વલસાડ દ્વારા પુસ્તક પરબનો આ 11 મો મણકો સર્કિટ હાઉસની બાજુમાં બિલાડવાલા બેંકના ઓટલા પર તથા સાંઈ લીલા મોલની બાજુમાં આ બે સ્થળે પુસ્તક પરબ કાર્યક્રમ દર મહિનાના પહેલા રવિવારે 7:30 થી 9:30 સમય દરમ્યાન યોજવામાં આવ્યો હતો.
Decision News ને મળેલી માહિતી મુજબ પુસ્તક પરબનો આખું આયોજનમાં જા. પ્રમુખ ડૉ. આશા ગોહિલ, જા. દેવરાજ કરડાણી, જા. હાર્દિક પટેલ, જા. હંસા પટેલ, જા. અર્ચના ચૌહાણ, જા.હરેશ્વરી ટંડેલ, જા. જયંતીભાઈ મિસ્ત્રી, જા. જગદીશ આહિરની તથા વલસાડ આર્ટ્સ કોલેજના વિદ્યાર્થીઓની મદદથી આ કાર્યક્રમ દ્વારા વલસાડ શહેરના પુસ્તક વાંચનારાઓને પુસ્તકો પુરા પાડવામાં આવે છે.
ડો. આશા ગોહિલનું કહેવું છે કે આ રવિવારે 70 જેટલા વાચકોએ આ પુસ્તક પરબનો લાભ લીધો હતો. નાના-મોટા દરેક વયના લોકો આ પુસ્તક પરબની મુલાકાત લઈ વાંચન તરફ વધુ ને વધુ ઢળી રહ્યા છે એનો સવિશેષ આનંદ છે. અમે અમારી યુવાપેઢીને પુસ્તકોના વાંચન તરફ લઇ જવાની મંજિલ તરફ આગળ વધી રહ્યા છે એનો અમને સંતોષ છે.
