ડાંગ: ગુજરાત વિધાનસભા 2022ની ચુંટણી જેમ જેમ નજીક આવી રહી છે, તેમ તેમ રાજ્યમાંથી વિવિધ વિસ્તારોમાં પક્ષોના લીડરો વચ્ચે મારામારીના કિસ્સાઓ પણ વધવા લાગ્યા છે ત્યારે દક્ષિણ ગુજરાતના છેવાડે આવેલા ડાંગમાંથી પણ ભાજપના લીડર દ્વારા BSP ના કાર્યકરને માર માર્યાની વાતો બહાર આવી છે.
Decision Newsને મળેલી માહિતી મુજબ ડાંગ જિલ્લાના આહવા તાલુકાનાં માદલબારી ગામે રહેતા સોનુભાઈ પુનાભાઈ ચોર્યા અને ગારખાડી ગામે રહેતા ઇતરામભાઇ રાજ્યાભાઈ બહિરમ વચ્ચે આવનારી વિધાનસભા 2022ની ચૂંટણીને લઈને મારામારી થઇ હતી ભાજપના ગારખડી વિસ્તારના અગ્રણી કાર્યકર્તા ઈતારામએ એમ કહીને BSPના કાર્યકર સોનુભાઈ પુનાભાઈ ચોર્યાને માર માર્યો હતો કે ‘હું ભાજપનો લીડર છું મારા વિસ્તારમાં તારે આવવું નહિ’
આ ઘટનાને લઈને હાલમાં સોનુભાઈ પુનાભાઈ ચોર્યાએ આહવા પોલીસ સ્ટેશને ફરિયાદ નોધાવી છે અને આહવા પોલીસ ભાજપના ગારખડી વિસ્તારના અગ્રણી કાર્યકર્તા ઈતારામ સામે IPCની 323,504,506 (2) કલમ લગાવી આગળની કાર્યવાહી કરી રહી છે.
