ટીવી એક્ટર અને બિગ બોસ 13 ના વિજેતા સિદ્ધાર્થ શુકલાનું હાર્ટ એટેકથી નિધન થઇ ગયું છે. સોમવારે મોડી રાત્રે તેનું હાર્ટ અટેકથી નિધન થઇ ગયુ છે. તે માત્ર 40 વર્ષનો હતો, તે હાલમાં જ બિગ બોસ OTT અને ડાન્સ દિવાને 3માં તેની કહેવાતી ગર્લફ્રેન્ડ શહેનાઝ ગીલ સાથે નજર આવ્યો હતો.
ટીવીની દુનીયાનો ઘણો જ પ્રખ્યાત ચહેરો હતો. છેલ્લે તે એકતા કપૂરની પોપ્યુર વેબ સિરીઝ ‘બ્રોકન બટ બ્યૂટીફૂલ 3’ માં નજર આવ્યો હતો જેમાં તેણે અગત્સ્યનો રોલ અદા કર્યો હતો.
TV actor Siddharth Shukla passes away, say Mumbai Police pic.twitter.com/z1o3aESFP9
— ANI (@ANI) September 2, 2021
મુંબઇ પોલીસ દ્વારા સિદ્ધાર્થનાં નિધનની પુષ્ટિ કરવામાં આવી છે. ગત રોજ તેને કૂપર હોસ્પિટલમાં દાખલ કરવામાં આવ્યો હતો જ્યાં ડોક્ટર્સે તેને મૃત જાહેર કર્યો હતો. સૂત્રોના જણાવ્યા પ્રમાણે, સિદ્ધાર્થે બુધવારે રાત્રે કેટલીક દવાઓ લીધી હતી, પરંતુ ત્યારબાદ તે ઉઠ્યો નહીં. મુંબઇની કુપર હોસ્પિટલ દ્વારા પુષ્ટિ કરવામાં આવી હતી કે સિદ્ધાર્થનું મોત હાર્ટ અટેકને કારણે થયું છે.
