શનિવારનાં રોજ કોરોનાની સંભવિત ત્રીજી લહેરનો સામનો કરવા માટે અપક્ષ ધારાસભ્ય જીજ્ઞેશ મેવાણીએ બનાસકાંઠા જિલ્લાના તેમના મત વિસ્તાર વડગામમાં ઓક્સિજન પ્લાન્ટનું ઉદ્ઘાટન કર્યું હતું. કોરોનાની બીજી લહેર દરમિયાન તબીબી ઓક્સિજનની તીવ્ર અછત અનુભવાયા બાદ તરત જ તેઓ આ સુવિધા સ્થાપવા માટે ફંડ્સ એકત્ર કરી રહ્યા હતા.
છાપી પ્રાથમિક આરોગ્ય કેન્દ્રમાં (PHC) ઓક્સિજન પ્લાન્ટ સ્થાપવામાં આવ્યો છે. મેવાણીએ દાવો કર્યો કે 800 જમ્બો ઓક્સિજન સિલિન્ડરોને રિફિલ કરવા માટે એક દિવસમાં આઠ ઘન ટન ઓક્સિજનની ઉત્પાદન ક્ષમતા ધરાવે છે. તેમણે ઉમેર્યું હતું કે, આ રાજ્યનો સૌથી મોટો પ્લાન્ટ છે
મીડિયા સાથે વાત કરતા મેવાણીએ કહ્યું કે, કોરોનાની બીજી લહેરે ઓક્સિજનની અસામાન્ય રીતે વધારે માંગે આપણને સાવચેત કર્યા. અમે એનજીઓની મદદથી યુદ્ધના ધોરણે ઓક્સિજન પ્લાન્ટ બનાવવા માટે ક્રાઉડફંડિંગ ઝુંબેશ શરૂ કરી હતી, જો કે સત્તાવાળાઓએ એનજીઓનું ખાતું ફ્રીઝ કરી દીધું હતું. વધુમાં જણાવ્યું હતું કે, અમારા ધારાસભ્યની ગ્રાન્ટમાંથી ફંડ્સનો ઉપયોગ ખાસ શરતો હેઠળ કરવા માટે અમે હાઇકોર્ટનો સંપર્ક કર્યો હતો. આ અવરોધો હોવા છતાં અમે વડગામના લોકો માટે સુલભ હેલ્થકેર ઇન્ફ્રાસ્ટ્રક્ચર બનાવવામાં સફળ રહ્યા છીએ. મારા મતવિસ્તારમાં અથવા આખા બનાસકાંઠા જિલ્લામાં કોઈને ક્યારેય ઓક્સિજન માટે સંઘર્ષ કરવો પડશે નહીં.
ધારાસભ્યના જણાવ્યા અનુસાર, ઓક્સિજનની અછતની પરિસ્થિતિ જોઈને વડગામ છાપી પ્રાથમિક આરોગ્ય કેન્દ્રમાં ગ્રાન્ટમાંથી ગુજરાતના સૌથી મોટા ઓક્સિજ પ્લાટનું લોકાર્પણ કરવામાં આવ્યું છે. એક અપક્ષ ધારાસભ્ય તરીકે હું આ કરી શકું તો સીએમ રુપાણીને વિનંતી છે કે દરેક જિલ્લામાં અને તાલુકામાં આપ પણ આ કરી જ શકો છો.
